→ كل الوصفات

باتيه دومتي بالجبنه

طريقة عمل باتيه دومتي بالجبنه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو دقيق
  • معلقه صغيره بيكنج بودر
  • ¼ معلقه صغيره ملح
  • معلقتين كبار لبن بودرة
  • معلقه كبيره خل
  • معلقتين كبار زيت
  • معلقه كبيره زبده
  • علبه زبادي صغيرة
  • كوبايه ونص ماء دافيه او حسب احتياج العجينه
  • معلقه كبيره خميره فوريه
  • معلقه كبيره سكر
  • جبنة فيتا او أي حشو تحبيه
  1. في طبق هدوب الخميره والسكر في الماء الدافيه واسيبهم عشر دقائق يخمروا
  2. في طبق تاني هحط الزبده والزيت والخل والزبادي واللبن واقلبهم كويس
  3. هحط البيكنج بودر والملح على الدقيق واقلبهم كويس
  4. هضيف الماء بالخميره بعد ماتخمر على الطبق الى فيه الزبادي واللبن وباقي المكونات وبعدين انزل بالدقيق شويه شويه
  5. هعجن كويس جداً لحد ماتبطل تلزق في ايدي وبعدين هغطيها واسيبها تختمر
  6. بعد ماتخمر هدهن الرخامه زيت بسيط وابدء اعمل كور قد بعض واغطيهم علشان مينشفوش واخد واحده واحده
  7. همسك الكوره الى كورتها وافردها لحد ماتبقا دايره واحشي على الطرف الجبنة وابدء الف الطرف الى حشيت بيه وطول مانا بلف اضغط على الطرف من الناحيتين علشان يلزق ومطتلعش الجبنة من العجينه
  8. في صينيه مدهونه زيت هحط الباتيه واسيبه يخمر وادهنه بفرشاه بشويه لبن من فوق
  9. هدخله على فرن ساخنه على درجه حراره ٢٠٠ او حسب كل فرن لو بتستخدمي فرن عاديه هتشغلي من تحت وبسيط من فوق علشان ميتحرقش من فوق
عجبتك الوصفة؟
شوف كل وصفاتنا في مكان واحد
كل الوصفات →