→ كل الوصفات

باتيه وكرواسون بالجبنة

طريقة عمل باتيه وكرواسون بالجبنة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 3 كوب دقيق
  • 2 ملعقة خميرة
  • 1/2 كوب لبن دافئ
  • معلقة سكر
  • رشة ملح
  • 1/2 كوب زيت
  • 1/2 كوب ماء دافئ
  • سمنة سايحة او زبدة للدهن
  • بياض بيضة
  • جبنة تركي مبشورة
  • زيتون
  • صفار بيضة
  • معلقتين لبن
  • كيس فانيليا
  • حبة بركة
  1. نحط الخميرة في اللبن وعليهم السكر ونقلبهم ونغطيهم يخمروا
  2. نحط الدقيق عليه الملح ونقلبهم ونحط الخميرة والزيت ونقلب ونحط الماية حبة حبة حسب ما الدقيق يحتاج ونعجنهم كويس لحد ما يلموا واغطيها واسيبها تخمر
  3. اول ما تخمر اعملها رول واقطعهم قطع متساوية عملوا 12 قطعة وكل قطعة اعملها كورة
  4. اخد اول كورة افردها دايرة وادهنها كلها سمنة واحطها في صينية واخد الكورة اللي بعدها وافردها وادهنها سمنه احطها فوق الكورة الاول عملت 6 طبقات فوق بعض و6 تانين فوق بعض
  5. اخد اول 6 وافردهم مستطيل كبير واقسمهم مستطيلات وكل مستطيل اقسمه اتنين وكل قكعة احط فيها حبة جبنة وزيتون والفها رول واقفلها كويس من تحت عشان متفكش
  6. اخد ال6 التانيين وافردهم دايرة كبيرة واقسمها مثلثات وكل مثلث احط جواه الجبنة والزيتون والفها واقفلها كويس
  7. ارص الباتيه والكرواسون بعاد عن بعض تفي صينية مدهونة زيت او سمنه وارب البيض واللبن والفانيليا وادهن بيهم الباتية والكرواسون وارش عليهم حبة البركة واسيبهم يرتاحوا
  8. اسخن الفرن وادخل الصواني واول ما يحمروا من تحت نفتح الشواية يحمروا ونخرجهم ونغطيهم بفوطة عشان مينشفوش وبالف هنا يا رب
عجبتك الوصفة؟
شوف كل وصفاتنا في مكان واحد
كل الوصفات →