→ كل الوصفات
اللهم بارك اللي عجبني المكونات فانا اخدت جزء من فكرة المكونات وعملت الوصفة بطريقة الأسباني يعني استخدمت شوية من مكوناتها وعملت وصفة تانيه شبه فكرتها بالبشاميل بس هنا بدون بشاميل باذن الله هتعجبكم جداً ❤️
المقادير
- 3 بيضات
- 2 باذنجان رومي مقطع شرائح سميكة شوية
- 2 فلفل رومي مقطع شرائح
- كوب دقيق
- كوب بقسماط
- كوب لبن كامل الدسم
- ملح وفلفل اسود حسب الرغبة
- رشة بهارات متنوعة
- زيت للقلي
- 2:3 طماطم ممكن شرائح او مبشورين
- 1/2 كيلو لحمة مفرومة معصجة
- 1/2 كوب جبنة موزاريلا مبشورة
طريقة التحضير
- هنقطع باذنجان شرائح و بعدين نرش عليها ملح ونسيبها لحد مايتخلص من ماؤه و لما اقليه مايتشربش زيت
- وفي بولة هخفق بيضة مع لبن ونتبل بالملح والفلفل كويس اوي
- هغمس شرائح باذنجان في دقيق بعدين خليط البيض و بعدين بقسماط
- وفي زيت ف طاسه ساخن وغزير هقليه لحد ما ياخذ لون ذهبي و اطلعه على مناديل مطبخ علشان يمتص المواد الدهنية
- واقلي فلفل رومي شرائح وبردو هطلعه على مناديل مطبخ
- وبعدين نرصص باذنجان المقلي في صينية مدهونة او طاجن وكل شريحة لوحدها وهوزع فلفل رومي بشكل عشوائي
- وبعدين نوزع فوق كل شريحه باذنجان ملعقة من اللحمة المفرومه و بعدين نرصص فوقها طماطم شرائح او مبشورة وبعدين نوزع الجبنة المبشورة
- هدخلها الفرن على درجه حراره ١٨٠ لمدة ٢٠ دقيقه او لحد ماتاخد لون ذهبي وتحسي كل مكونات استوت مع بعضها وتتقدم ساخنه وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد