→ كل الوصفات
طبعا الباذنجان المخلل من الحاجات الاساسية جنمب فطار الفول والطعمية وبيض عيون والطماطم المخللة حاجة كدة تاخدك لعالم تاني 😇 ،، عظيمة يا مصر والله ❤ #النملية
المقادير
- كيلو باذنجان طويل
- رأس ثوم
- 1 فلفل اخضر رومي
- 1 فلفل حار (اختياري)
- 2 جزرة مبشورة
- 1/4 كوب خل
- عصير 2 ليمونة
- 2 م ك زيت
- م ص كمون
- 1/2 م ص كزبرة جافة
- 1/2 م ص فلفل اسود
- رشة شطة (اختياري)
- م ص ملح او حسب الاحتياج
طريقة التحضير
- اولا : نغسل الباذنجان ونشيل راسه ونعمل فتحة فيه بالطول ونسلقه في ماء مغلي به م ص ملح لحد لما يدبل كدة ، او ممكن طبعا تقليه بدل ما تسلقيه زي ما تحبي ،،
- ثانيا : في الكبة اضرب مكونات التتبيلة كلها مع بعض وافرمها يا اما فرم خشن او ناعم زي ما انا عاملة في الصورة كدة ،،
- اجيب علبة نظيفة واحط ملعقتين من الحشوة في قاعدة العلبة وابدأ احشي الباذنجان بالتتبيلة وارصه فوق بعضه ولو فضل تتبيلة اضعها علي الوجه واقفل الغطاء واضعها في الثلاجة علي الاقل ساعة قبل الاستخدام عشان يشرب التتبيلة وبألف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد