→ كل الوصفات
باذنجان مشوي باللحمه المفرومه علي الطريقه التركيه ❤ كباب علي نازك 😄 بحب اجرب اكلات من بلاد مختلفه زي ماانتم عارفين و كلنا بنحب نجدد في اكلتنا والتغير مطلوب... بنحتار ناكل ايه النهارده اختارت وصفه من تركيا سهله وجديده وكمان خفيفه تنفع للرجيم هي بالباذنجان واللحمه المفرومه جربتها وطلعت تحفه ان شالله تجربوها وتعجبكم
المقادير
- 0.5 كيلو لحمه مفرومه
- 4 باذنجان شوي
- 2 طماطم مقطعه مكعبات
- معلقتين صلصه
- لبن رائب او زبادي
- معلقه توم مفروم
- بصله
- فص توم
- شطه خضرا مفرومين
- توابل
- بقدونس للتزيين
- سمنه او زيت او زيت زيتون
طريقة التحضير
- نقوم بشوي الباذنجان سواء بالشوايه او الفرن او علي النار فوق
- نحمر بصله وفص توم وشطه في سمنه او زيت ثم نضع اللحمه ونقلبها ثم نضع طماطم مقطعه مكعبات والصلصه والتوابل نتركها حتي تتسبك وتنضج
- بفضل بعد شوي الباذنجان احطه في كيس عشان اقشره بسهوله المهم هنقشر الباذنجان ونهرسه وتبليه لو عايزه
- هنحط الزبادي مع رشه ملح وفص التوم المفروم ونخلطهم جيدا
- بعد ما يبرد الباذنجان شويه نقوم نخلط الزبادي مع الباذنجان
- نحضر الطبق بقي هنحط الطبقه الاولي خليط الباذنجان بالزبادي ثم نضع اللحم بعد ما نسخنه ونقوم بتزينه بالبقدونس وبالف هنا وشفا ويارب تعجبكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد