→ كل الوصفات

باذنجان مقلي بتتبيله تحفه 😋

#مقبلات_عائلتي

  • 2 حبة باذنجان 🍆
  • 2 حبة فلفل أخضر
  • 1 فلفل حار احمر مفروم
  • حبة طماطم متقطعه صغير(اللحم بس) من غير الجلد والبزر
  • معلقه كبيره ثوم مفروم
  • قليل عصير ليمون
  • معلقه كبيره خل ابيض
  • ملح
  • كمون
  • كزبره ناشفه
  • 3 كوب زيت, للقلي
  1. نقطع الباذنجان حلقات او أشكال طوليه ونحطه في مصفاه ونرش عليه ملح ونسيبه ينزل ميته على جنب
  2. نجيب القليه ونحط فيها زيت ونسخنه كويس وبعدين نجيب الباذنجان وناشفه بمناديل مطبخ ونقلي في الزيت السخن وننزل معاه الفلفل الاخضر بعد مانعمل فيه فاتحه بالطول علشان مايفرقعش في الزيت
  3. بعد القلي نخرج الباذنجان والفلفل الأخضر على طبق وعليه ورق مطبخ
  4. نحضر التتبيله بقه نجيب طبق ونحط فيه الثوم المفروم والفلفل الأحمر والطماطم المتقطعه صغير ونحط عليهم الخل والليمون والملح والكمون وشويه كزبره ناشفه ونخلط كله كويس
  5. نجيب طبق التقديم ونرص فيه الباذنجان والفلفل الأخضر ونحط عليه التتبيله وبالف هنا
عجبتك الوصفة؟
شوف كل وصفاتنا في مكان واحد
كل الوصفات →