→ كل الوصفات
اجمل باتنجان مقلي بصوص مميز
المقادير
- 0.5 كيلو باذنجان رومي او الكمية اللي تحتاجيها
- ملح
- معلقتين خل
- 3 حبات طماطم متوسطة الحجم
- 5 حبات كبار توم مفروم
- كل ما الكمية تزيد نزود توم وطماطم
طريقة التحضير
- هنقشر الباتنجان ونقطعه كأنه مسقعه وهنرش عليه رشة ملح عشان ميشربش الزيت
- بعدها بساعه او اتنين وممكن تسيبيه من الصبح لبليل او العكس براحتك هتجيبي الباتنجان وتعصريه عصر بسيط بين كفتةايدك كل حبة مع بعضهم عشان ينزل مايته وعشان يبقا ناعم في الاكل وطري زي الزبدة
- هنقلي الباتنجان نخليه ذهبي كدا
- هنضرب التوم ونقطع الطماطم ونحط عليها معلقتين خل ورشه ملح صغيره لو عايزة تخليه مشطشط ضيفي شطة
- هنحمر التوم في شوية زيت صغيرين ياخد لون دهبي
- هننزل بالطماطم اللي عليها خل في الطاسه على التوم ونغطيها لحد م تتهري كدا ريحتها هتبقا فوق الوصف في الجمال
- هناخد الطماطم دي وننزل بيها على الباتنجان ونقلبهم في بعض بحيث كله يشرب الخلطه دي نسيبها شويه وهتاكلي اجمل باتنجان بنكهه وطعم ملوش زي
- لو عايزه تحمري بطاطس مقلية وتحطيها فيها هتدي طعم جميل بردو وهتبقا زي المسقعه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد