→ كل الوصفات

باذنجان وبطاطس باللحمه والجبنه

طريقة عمل باذنجان وبطاطس باللحمه والجبنه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 حبات بطاطس
  • 2 حبه باذنجان
  • 1/4 كيلو لحمة مفرومة
  • 2 حبه بصل صغير
  • 2 حبه طماطم معصوره
  • حبه فلفل اخضر بارد مقطع
  • قرن فلفل اخضر حار مقطع
  • كوب زيت
  • معلقه صغيره ملح
  • 1/2 معلقه صغيره كزبره ناشفة
  • 1/4 معلقه صغيره فلفل اسود
  • 2 فص ثوم مطحون
  • 3 معلقه كبيره صلصه طماطم
  • 1/2 كوب ميه
  • 1/2 كوب جبنة موزاريلا
  1. نقشر البطاطس ونغسلها ونقور البطاطس وبعدين نقليها في كوب الزيت ونطلعها على مناديل المطبخ لتمتص الزيت
  2. لحد ما البطاطس ما تتحمر نغسل الباذنجان ونقوره ونرش عليه شويه ملح وبعد ما نخلص تحمير البطاطس نحمره
  3. نحضر الحشو في مقلاه على النار نضيف شويه من زيت التحمير يسخن شويه ونضيف اللحمة تذبل شويه ونضيف عليها البصل ونقلبهم لمده عشره دقائق وبعدين نضيف الثوم ونقلب شويه وبعدين نضيف الطماطم ونقلبهم مع بعض ونهدى النار عليهم لحد ما تتشرب اللحمة الطماطم بعد كده نضيف الفلفل الاخضر ونقلب لمده خمس دقائق بعد كده نضيف الملح والكزبره والفلفل الاسود
  4. في بوله نذوب صلصله الطماطم في نصف كوب الماء ونرش عليه رشة ملح خفيفه
  5. نحضر صينية البيركس الكبيره ونضيف صلصة الطماطم ونبعدين نرص البطاطس والباذنجان ونبدا نضيف حشوه اللحمة كما بالشكل
  6. بعد كده نضيف الجبنة
  7. ندخل الصينية الفرن ساخن من قبل الفرن تكون شغاله من تحت ومن فوق بس تأخذ لون الجبنة ونطلعها من الفرن
  8. وبالهنا والعافيه عليكم
عجبتك الوصفة؟
شوف كل وصفاتنا في مكان واحد
كل الوصفات →