→ كل الوصفات

باذنجان وفلفل حار مقلي بالخل والثوم

وصفة حرشة اوووي وتفتح النفس وتقدم كطبق جانبي وتتعمل في السريع كدة 😉

  • 1 باذنجان رومي مقطع
  • 5 فلفل حار
  • م ك ثوم مفروم ناعم
  • 2 م ك خل
  • م ك زيت
  • 1/2 م ص من
  • كمون
  • فلفل
  • شطة
  • كزبرة
  • عصير نص ليمونة
  • ملح حسب الاحتياج
  1. اولا الباذنجان: اقطعه وارش عليه رشة ملح عشان ينزل مايته وابدا اقليه عادي
  2. ثانيا الفلفل : اعمل فتحة فيه بالسكينة عشان ميفرقعش وهو بيتقلي (خلي بالك) اقليه برده عادي
  3. ثالثا التتبيلة: في طبق اخلط كل مكونات التتبيلة السابقة مع بعض وفي طبق ارص الباذنجان والفلفل زي الصورة كدة وانزل عليهم كلهم التتبيلة وعيشي بقي 😋😋
  4. فكرة لتقديمه : ممكن تقدميه مع : (كشري اصفر) وعندي وصفات ليه في وصفاتي. (بيض مدحرج) وهو بيض مسلوق وبعدين متحمر في شوية سمنة وعلية رشة ملح وفلفل. (صلصة بالخل والثوم) وهي عبارة عن : ٢ م ك صلصة ، م ص ثوم ، ٢ م ك خل ، كوب ماء ، مكعب ماجي ، فلفل ، شطة ، كمون ،، ٤/بطاطس مقلية. سفن اب لزوم الهضم 😉 وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →