→ كل الوصفات

بازلاء بالجزر واللحمة المفرومة 🍲

وصفة تقليدية مصرية وعادة بتتعمل بمكعبات اللحمة بس خلاص انتو اكيد حفظتوا ان الخضار المتسبك مش بحبه غير باللحمة المفرومة ☺ #وصفة_جدتي

  • 1/2 كيلو بازلاء
  • 4 جزرة مقطعة صغير
  • لتر عصير طماطم
  • 3 م ك صلصة
  • مكعب ماجي
  • رشة سكر
  • ملح حسب الاحتياج
  • 1/2 كيلو لحمة مفرومة
  • بصلة كبيرة مبشورة ناعم
  • م ص ثوم مفروم
  • م ص من كل (بهار لحمة ، فلفل اسود)
  • 2 حبهان ، ورق لوري
  • مكعب ماجي
  1. اولا : في حلة اضع سمنة او زبدة وانزل اللحمة اشوحها لحد لما لونها يتغير ، بعدين انزل البصل والثوم والتوابل والماجي واشوحهم لحد لما يدبلوا ،
  2. ثانيا : انزل البازلاء والجزر وابدا اشوحهم كلهم مع بعض شوية كدة ومن غير ما تحرقي البصل اواللحمة يعني علي نار وسط ،
  3. بعدين انزل عصير الطماطم والصلصة ومكعب الماجي ورشة فلفلوسمر ولو عاوزة اي توابل تانية ضيفي براحتك واظبط الملح واسيبها تتسبك وتستوي علي نار وسط براحتها خالص وبس كدة ،
  4. قدمتها مع ارز ابيض عليه رشة فلفل اسود وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →