→ كل الوصفات

باستافلورا 🌟

طريقة عمل باستافلورا 🌟 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 كوب دقيق
  • كوب سمنة على زيت نص ونص
  • 1/4 كوب سكر فقط
  • رشة ملح
  • باكو بايكينغ باودر
  • 2 بيضة
  • فانيليا
  • مربى فراولة او صوص شوكولاتة بس يفضل مربى
  1. هنجيب كباية السمنة على الزيت نحطها في بولة وعليها السكر ونضرب جامد وبعدها نضيف البيض مع الفانيليا ونضرب جامد جامد لحد ما الخليط يمتزج
  2. 🤭 ملحوظة صغيرة : متكتروش السكر عن ربع كوباية او يادوب نص كوباية لان مع إضافة المربي هتبقي مسكرة جدا
  3. هنحط عليهم ال ٤ كوب دقيق تدريجيا ونحط عليهم البيكنج بودر ورشة الملح ونقلب المكونات كويس لحد ما يتكون عندي عجينة متماسكة
  4. هقسم العجينة جزء كبير وجزء متوسط واعينه في الفريزر يمسك نفسه شوية
  5. هاخد الجزء الكبير افرده في صينية مدهونة زيت واوزع عليه المربى وادخله الثلاجة يرتاح نص ساعة
  6. بعدين اطلعها واخد الجزء الي في الفريزر هيكون مسك نفسه شوية اروح بشراه على الوجه بالمبشرة هيسهل عليا كتير من تقطيعه بالايد وبعد ما ابشره اظبته ب ايدي بس بالراحه بحيث اساوي البشر عالصينية كلها
  7. تدخل الفرن على درجة حرارة ١٨٠ من تحت وبعدين تأخذ وجه من فوق بس نأخذ بالنا علشان متتحرقش وبس كدا بألف هناا على قلبكوو 🥰❤❤
عجبتك الوصفة؟
شوف كل وصفاتنا في مكان واحد
كل الوصفات →