→ كل الوصفات
من اختراعاتي 😝 عاد ان شاء الله يعجبكم.. سهلة وسريعه
المقادير
- كيس باستا نوع ماكاروني
- صحن دجاج مفروم
- 2 بصل وسط مفروم
- كوب مشروم مقطع
- فصين ثوم مفروم
- 1 مكعب ماجي دجاج
- ملح
- فلفل اسود
- 0.25 ملعقة صغيرة كل من (كركم وكمون)
- رشة من جوز الطيب
- ملعقة صغيرة بهارات ايطالية
- ملعقة كبيرة كزبرة مفرومه
- 1 لتر حليب
- 2-3 ملاعق طحين
- ملعقتين كبار زبدة
- ملعقتين كبار زيت نباتي
- 1 علبة وسط من جبن كرفت مقطع او مبشور
- جبن موزاريلا
طريقة التحضير
- اول شي انفور المعكرونه ولما تستوي نشخلها ونتركها على جنب
- انجهز القدر على نار هادية انحط الزيت مع زبده ونطبخ فيه البصل وثوم مع رشة ملح بسيطه وكل شوي نحرك عشان البصل لا يحترق
- لما يذبل البصل ويصير شفاف ومايل للون الذهبي انحط الدجاج المفروم مع مكعب ماجي وفلفل اسود ورشه من البهارات الايطالية و انحرك عدل لين ما ينطبخ الدجاج
- بعد مايستوي الدجاج انحط المشروم ومعاه الكركم والكمون(راح يعطون لون وطعم حلو المعكرونه) وانحرك شوي بعدين انسكر عليه الغطاه ونخليه لدقيق او دقيقتين
- بعد دقيقتين انشل الغطاه ونحط معاه طحين انحرك اشوي بعدين انضيف الحليب والجبن ورشة من جوز الطيب ورشة ملح وفلفل اسود وانتم نخلطهم لين مايذوب الجبن وتحصلون على قوام متجانس شبيه للباشميل شوي
- بعد مايتجانس الخليط انحط المعكرونه المستويه وانحرك شوي شوي ونتذوق ملوحته وبهاراته، نخليه ينطبخ لدقيقة او دقيقتين او لين ما يثقل الشوي وبعدها انسكر النار وبنفس الوقت انجهز الفرن من فوق على دوجة ٢٣٠
- انحط الباستا بصحن الخبز ونرش فوقه جبن موزاريلا وندخله الفرن بس من يحمر من فوق انطلعه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد