→ كل الوصفات

باستا تشيبس "المعكرونة المقرمشة"

انا جربت وصفة مشرفتي الجميلة طعمها حلو اووووي وسهلة اوي وجربوها طعمها حلو فعلا بس انا جربتها بمكرونه الخواتم علشان كنت بعمل الغدا ف كنت بستخدمها كده كده بس طعمها حلوة اوي ويفضل انها تتعمل بمكرونه اقلام او فيونكه او اي نوع تحبوه هتعجبكم جدا بإذن الله ❤️

  • 150 جرام معكرونة فرن، يمكن استخدام أي نوع آخر من اشكال المعكرونة
  • ماء كافي لسلق المكرونه
  • 4 ملاعق كبار زيت زيتون
  • 1/2 ملعقة صغيرة ملح
  • ملعقة صغيرة بابريكا
  • ملعقة صغيرة ثوم بودرة
  • ملعقة صغيرة ريحان مجفف
  • ملعقة صغيرة زعتر مجفف
  • ملعقتان كبيرتان جبن بارميزان مبشور (او ممكن الجبن الرومي مبشور)
  • علبه زبادي صغيرة
  • م ص مايونيز
  • رشة زعتر
  • علبة زبادي صغيرة
  • م ص هريسه
  • م ك كاتشاب
  • رشة ملح وفلفل اسود
  • رشة زعتر
  1. هنسلق المكرونه ونصفيها بدون مانغسلها
  2. هنحط المكرونه في بولة وهنضيف عليها زيت الزيتون و والتوابل كلها و نرش الجبنه عليها ونخلطهم كويس اوي لحد ما المكونات كلها تتجانس مع بعض
  3. في طريقتين ليها الطريقه الاولى واللي انا استخدمها اني قليتها في زيت غزير سخن حوالي ٤ دقايق وطلعتها ع مناديل مطبخ تمتص المواد دهنيه وتديني احلى قرمشه
  4. طريقة تانية في صينية فرن نفرد المعكرونة طبقة واحدة بحيث ماتكونش متلاقصه فوق بعضها ونرش شوية من جبن البارميزان على الوجه وشوية من زيت الزيتون وندخلها إلى فرن لمدة من 8 إلى 10 دقائق بالرف الوسط مع تشغيل الشواية فقط (الفرن العلوي فقط) وبعدين نقلبها ع جنب تاني بحيث تاخد لون من كل جهات
  5. وبعدين قدمتها مع صوص تغميس خلطت مكونات صوص تغميس مع بعضها كاتشب مع زبادي وهريسه كويس وبعدين حطيت ملح وفلفل وزعتر وقلبتهم وقدمتهم ف طبق تقديم وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →