→ كل الوصفات
#المرور_الثالث #حمله_التشجير
المقادير
- 2 كوب دقيق
- 1 كوب سكر
- ½ كوب سمنه
- 2 بيضه
- معلقه بيكنج بودرة
- رشه فانيليا ورشه ملح
- 3 معالق مربى, للحشوة
طريقة التحضير
- صباح الفل والجمال على عيونكو صباح كل حاجه حلوه في الدنيا النهارده هنعمل الباستافلورا ومقاديرها سهله اوي
- اول حاجه هنجيب بوله ونحط البيض والسمنه والسكر ونضربهم كويس جداً ممكن في الخلاط او المضرب الكهربائي او المضرب اليدوي.. إللى عندك اشتغلي بيه
- بعد ماينضربو كويس هنضيف الفانيليا رشه الملح وكوبايتين الدقيق ومعلقه البيكنج بودرة ونقلب كويس هتلاقيها عجينه طريه جداً ممكن تلزق احنا عاوزينها كده
- هنجيب صينيه ونحط ملعقة زيت ونحط ثلاث اربع العجينه ونسيب حتى اد قبضه الايد كه في البوله
- الزيت هيسهل علينا نفردها بسهوله من غير تلزيق المهم هنفردها كويس في الصينيه ونجيب شوكه ونخرمها عشان مش عاوزينها تعلى زي الكيكه
- بعد كده هنضيف ٣ ملاعق مربى وماتكتريش عن ٣ عشان ماتبقاش مسكره زياده عن اللزوم وافرديها بالاسباتيولا على العجينه وآخر قطعه عجين في البوله هنضيفلها معلقتين دقيق وممكن كاكاو لو عاوزاها بالشوكولاته ولمي العجينه كويس وهاتى المبشره بتاعتك وابشريها على وجه المربى
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد