→ كل الوصفات
#الزيت_عماد_البيت
المقادير
- كيس معكرونة فيتوتشينى او اي نوع
- 1/2 ك جمبري
- 3 فصوص ثوم
- فلفل الوان احمر، اصفر، اخضر
- بقدونس مفروم
- 1 كوب لبن
- 1 م دقيق
- 200 جرام كريمة طهى (البديل كباية لبن ومعلقتين قشطة بلدي)
- ملح وفلفل اسود حسب الرغبة
- ملعقه صغيره بابريكا
- زعتر مجفف
- زيت زيتون
- جبنة موتزاريلا او شيدر
طريقة التحضير
- نسلق المعكرونة عادي ولما تستوي نصفيها ونحتفظ بكوبايه صغيرة من ماء السلق
- نقشر الجمبري وننظف سلسلة الضهر عن طريق فتح الضهر وتنضيفه بعود اسنان
- نتبل الجمبري بملح وفلفل و بابريكا وزعتر او ممكن زعتر بس او بابريكا بس
- هنقطع الفلفل بأي شكل تحبوه وفي طاسة هنضيف معلقتين زيت زيتون ونشوح الفلفل يادوب بس 5 دقائق ميفقدش لونه او يذبل زيادة ونشيله على جنب
- في نفس الطاسة هنضيف ملعقة زيت ونشوح الثوم بس ياخذ لون دهليز بعد كده ننزل بالجمبري
- بس الافضل يكون مرصوص جنب بعض مش فوق بعض عشان كل واحدة تتشوح كويس يادوب تأخذ لون برتقالى كده ونقلب الناحية الثانية
- هنشيل الجمبري ونحط مكانه كباية ماء السلق اللي سبناها او ممكن نعمل مرقه من قشر ورؤوس الجمبري عن طريق سلقه بدقة ثوم وملح وشطه وكمون وكزبرة هتعلى الطعم اكتر
- بعد كده هندوب ملعقة الدقيق في كباية اللبن على البارد ونضيفها على الماء
- وبعدين ننزل بكريمة الطهي ونسيبها تأخذ غلوة
- نهدى النار وننزل بالجمبري والفلفل الالوان ورشة بقدونس مفروم و اي نوع جبنة تحبوه
- بعدين ننزل بالمعكرونة ونقلب المكونات كويس عشان تمتزج ونسيبها شوية تأخذ غلوة
- بعدين نضيف جبنة ثاني ورشة بقدونس ونقلب ونطفى على طول
- و بالهنا والشفا 😘😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد