→ كل الوصفات

باستا وايت صوص بالجمبري

هنعملها بطريقه حلوه و سهله جدا و من غير كريمه

  • 3 كوب حليب
  • كيس مكرونه 350 جرام
  • 2 معلقه كبيره قشطه
  • مكعب زبده
  • 3 فص توم
  • 1/4 كيلو جمبري
  • كوب شوربه جمبري
  • بصله و طماطميه و فلفلايه
  • توابل ملح و فلفل اسود و كمون
  1. هنغسل الجمبري كويس جدا و ننقعه اكتر من مره و نكب مايته لغايه ما ميبقاش فيها رمل و نبتدي نقشره و نشيل الحبل الرملي
  2. نجيب حله سخنه جدا ونحط فيها زيت و ننزل بقشر الجمبري و نقلبه لغايه ما لونه يبقي برتقالي و بعدين نحط بصله و طماطم و فلفل و فصين توم و نغطيهم بالمايه و نسيبها تغلي لغايه ما كميتها تقل النص
  3. ناخد شوربه الجمبري و نمزجها مع اللبن و نحط معلقتين كبار دقيق و معلقتين كبار قشطه و مكعب الزبده و نقلبهم مع بعض كويس علي البارد
  4. نجيب حله و نحط فيها قطعه زبده و شويه زيت و فص توم مفروم و لما الزبده تسخن كويس ننزل بالجمبري و نشوحه لغايه ما ياخد لون و نرش عليه فلفل اسود و ملح و كمون
  5. نشيل الجمبري و نحط في الصوص بتاعه اللبن مع الشوربه و نفضل نقلبهم لغايه ما قوامهم يتقل شويه و نحط التوابل كمون و فلفل اسود و ملح و بعدين نحط المكرونه المسلوقه و الجمبري و نقلب كله مع بعض و بالهنا
عجبتك الوصفة؟
شوف كل وصفاتنا في مكان واحد
كل الوصفات →