→ كل الوصفات
#نكهة_عربية
المقادير
- ½ كيلو بامية متقمعة
- 2 ملعقة صلصة كبيرة
- 2 كوب كبير عصير طماطم
- ½ كيلو لحمة مفرومة متعصجة
- بصلة متوسطة مفرومة
- 2 معلقة ثوم مفروم صغيرة
- معلقة كبيرة سمنة
- ملح وفلفل حسب الرغبة
- ممكن قرن فلفل اخضر سليم لو بتحبوا السبايسى
طريقة التحضير
- هنقدح السمنة في الحلة وننزل عليها بالبصلة نشوحها لحد ماتدبل
- ننزل عصير الطماطم والصلصة ونسيبها تغلى غلوتين وننزل البامية نقلبها في الصلصة ونخفف النار ونغطي الحلة ونسيبها تستوي ونتابعها طبعاً وقت السوا بيختلف لو مجمدة عن الفريش وعلى حسب البوتجاز كمان بس كبيرها نص ساعة
- او ماتدخل في السوا ننزل اللحمة المفرومة معاها ونقلب ونسيبها تكمل سوى
- لما تستوي خالص نقلبها في طاجن بايركس او فخار وندخلها الفرن تحت الشواية تحمر
- اول ماتحمر نكون مشوحين الثوم في ملعقة سمنةزى طشة الملوخية وونزله على وجه الطاجن مقولكوش الريحة والطعم والتسبيكة تجنن وبالهنا والشفا😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد