→ كل الوصفات
بامية من غير لحمة اه، بس الطعم حكاااااية بجد لازم تجربوها 😋 #رمضانك_اقتصادي_مع_حملة_اطبخها_اقتصادي وهو دة شعارنا في رمضان ان شاءالله،، وكل عام وانتم الي الله اقرب 🕋📿،،، بسبب الازمة الاقتصادية العالمية، أطلقت حملتي الجديدة حملة #اطبخها_اقتصادي، واللي هدفها ان شاءالله هو طبخ جميع الوصفات ولكن بطريقة اقتصادية واقتراح بدائل لأحد مكوناتها الغالية الثمن ان وجد، والله ولي التوفيق 🌷🌷 لمعرفة التفاصيل والمشاركة رجاء التواصل معي
المقادير
- 1/2 كيلو بامية
- قطع لية ضاني (ان وجد)
- بصلة مبشورة
- م ك ثوم
- بشر ليمونة
- قرن فلفل حار
- لتر عصير طماطم
- 3 م ك صلصة
- رشة سكر
- 2 مكعب ماجي
- م ص من (فلفل ، كزبرة ، بابريكا)
- ملح
- سمنة
- م ك ثوم
- م ك كزبرة ناشفة
- عصير ليمون
- عيش
- او ارز ابيض
طريقة التحضير
- في الحلة حطيت سمنة وقطع اللية وقىن الفلفل الحار ونزلت بالبصلة شوحتها لحد لما بدأت تدبل ، بعدين نزلت بالثوم شوحته لحد لما بدأت ريحته تطلع ، بعدين نزلت البامية والماجي والتوابل وبشر الليمونة وفضلت اشوح فيهم شوية ،
- بعدين نزلت عصير الطماطم والصلصة ورشة السكر وغطيتها وسيبتها علي نار وسط لحد بما الصلصة اتسبكت والبامية استوت ،
- جهزت التقلية في طاسة نزلت بالسمنة والثوم والكزبرة وشوحتهم شوية وبعدين نزلت بيها علي البامية وعصرت ليمونة كبيرة وبالف الف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد