→ كل الوصفات
طريقة عمل بامية بصلصة البندورة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 350 غ بامية ناشفة
- /3/ملاعق كبيرة صلصة بندورة
- لحمة حسب قدرتك
- ملعقة صغيرة ملح
- رشة قلقل اسود
- فصان ثوم
- رشة كزبرة يابسة
- ملعقة سمنة
- دبس رمان من شأن تكون حماضة أو ملح ليمون اذا موجود
طريقة التحضير
- بسم الله اول خطوة انا نقعت البامية لانو هي من المونة يعني يابسة
- نقعتها بماء ساخنة كتير مدة ساعيتن حتى نفشت ورجعت متل البامية الخضرة
- بالمقلاة زيت اونا أو زيت القلي
- صفتها من الماء وقليتها حتى تصار شقرة
- بعدين بطنجرة حطت سمنة ملعقة كبيرة وقليت اللحمة حتى تستوي نزلت البامية
- قلبتها شوي بعدين حطت الماء وبس غليت الماء حطت صلصة البندورة وملح وفلفل
- بس غليت بالصلصة منحط دبس رمان ومنشوف كيف حماضها يعني بتزبط الحمض على ذوق انا دبس رمان حط /2/ملعقة تقريبا
- بس تعقد البامية مع الصلصة منحط الثوم المدقوق ورشة الكزبرة اليابسة منخليهم شي دقيقتين على الغاز ومنرفعها
- بالهنا والشفاء
- منقدم معها رز او برغل بالشعيرية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد