→ كل الوصفات
البامية بتذكرني ب طفولتي ب لبنان، تعلّمتا من ماما
المقادير
- 2 كيس بامية مفرّز
- لحمة شقف، الكمية عحسب الرغبة
- ورق غار
- عودان قرفة
- 4 حبات هيل
- حبة بصل مقطعة شرحات
- ملح
- 3 حبات قرنفل
- معلقة صغيرة فلفل احمر
- معلقة صغيرة بهارات لحمة
- 3 معالق كبار معجون بندورة
- حبة بندورة مقشرة ومفرومة ناعمة
- حبة بصل مفروم
- 5 فصوص ثوم
- باقة كزبرة
- رشة فلفل اسود
- معلقتين زيا زيتون
طريقة التحضير
- اول شي، بغسل اللحمة منيح وبنقعها شوي بالخل ت تروح الزنخة شوي، بعدين بسلقها بماء عادي وبصير شيل الرغوة، برجع بجيب طنجرة بحط كل الموجودين فوق لسلق اللحمة بماء نضيفة وبحطها على النار ل تستوي
- بس تستوي اللحمة، بصفّي الماء وبحطهم على جنب ل حتى اطبخ البامية فيهم. بكون داقة الثوم مع الكزبرة
- بجيب طنجرة، بحط زيت الزيتون وبقلي البصل بس يبدا شوي ييحمرّ بجيب الكزبرة والثوم وبزيدهم على البصل وبحركهم شوي وبعدين بحط البندورة المقطعة مع الفلفل الاسود وبزيد البامية وببلش حرّك كل المكونات مع بعض ت حتى البامية تتشرّب المكونات
- معجون الطماطم بدوبو مع ماء يلي سلقت فيهم اللحمة حتى حطهم فوق البامية
- بحط اللحمة فوق البامية وبحرّكهم مع بعض وبعدين بحط فوقهم الماء، بخليهم على نار خفيفة، بعد شي ٥ دقائق بغطّي الطنجرة وبتركهم للاستواء
- انا كل شوي بطلّ عليهم وبس تعقّد الماء بدوق اذا استويت البامية وبطفي نحتها. انا بعمل رز بشعيرية معها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد