→ كل الوصفات

باميه باللحمه المفرومة

☕️☕️☕️

  • 1/2 كيلو باميه (بكيت مجمد)
  • بكيتين صلصة
  • رأس ثوم
  • قرن فلفل أخضر
  • 1 بصلة صغيرة
  • رشة بهارات مشكله وفلفل اسود
  • زيت
  • 1/2 كيلو لحمة مفرومة
  • كاستين رز تايجر
  • 1/2 كاسه شعيريه
  • عصفر للرز
  • فنجان زيت
  1. اول شي منفرم البصل والفلفل الاخضر ونقلبه بالزيت ونضيف اللحمة المفرومه ونرش ملح وفلفل اسود والبهارات المشكله ونحوسهم مع البامية منضل نحوس البامية لربع ساعة ومنضيف لتر ماء لحتى تستوي البامية منضيف الصلصه لحتى تتسبك الصلصه مع الباميه منهرس الثوم ونقدحه على الغاز ونضيفهم عالباميه وغلوه مع الثوم بتصير جاهزة والف صحة وعافية
  2. هلأ راح نطبخ الرز مع شعيريه
  3. اول شي راح نحط زيت ونحمص الشعيريه وبعدين نضيف الرز ونقلبه شوي مع الزيت منضل نقلب الرز والشعريه مع بعض ونضيف ملح وملعقه عصفر وبعدين نضيف كاستين ونص ماء لحد ما يغلي الرز غلوتين ونهدي الغاز على الرز لحتى يتفلفل حبةحبةلمايستوي الرز منطفي الغاز والف صحة وعافية
عجبتك الوصفة؟
شوف كل وصفاتنا في مكان واحد
كل الوصفات →