→ كل الوصفات
طريقة عمل باميه باللحم الضانى سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو لحم ضانى
- كيلو باميه خضرا
- 7 فصوص ثوم
- 2 بصله مفرومه ناعمه
- 2 فلفل حار
- ملح
- فلفل اسود
- ليمون
- زيت + سمنه
- 4 ملاعق صلصه
طريقة التحضير
- اولا هنجيب اللحمه ونغسلها كويس
- هنحك الحله على النار ونحط ملعقتين سمنه وشويه زيت ونسبهم يسخنوا
- هنبدا نحط البصل المفروم ونقلبه لحد ما يدبل هنضيف 3 فصوص ثوم مفروم ونقلبهم
- بعدا كدا نضيف قطع اللحمه ونقلبها مع البصل والثوم ونحط شويه فلفل اسود على اللحمه
- لحد ما تاخد اللون الذهبى كدا نبدا نحط الصلصه ونضيف كميه من الماء ونقلبها هنسبها شويه لحد ما نحس ان اللحمه هتبدا تستوى
- هنضيف الباميه الخضرا ونسبهم لحد ما يستوا
- قبل مانطفى على الباميه هنجيب الثوم المفروم ونضيفه على الباميه ونضيف قرن فلفل أخضر حار ونقفل الحله عليهم شويه وبعد كدا نطفى
- ممكن بقى نضيف عصير ليمونه هتديها طعم حلو
- وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد