→ كل الوصفات
✨ جربوا معايا طريقة عمل البانيه الكرسبي المقرمش اللي كلنا بنحبه برا البيت 👌 الوصفة سهلة وسريعة ومكوناتها موجودة في كل بيت، وهتديكي طعم وقرمشة زي الجاهز بالظبط 💛 قدميه جنب بطاطس محمرة أو مكرونة أو حتى ساندوتشات للأطفال وهيعجب الكل باذن الله جربوه #ع_طريقتي #مريولي_باسمي
المقادير
- 1/2 كليو صدور دجاج
- 3 م ك مسطرده
- م ص توم مهروس ناعم
- 4 م ك زيت زيتون
- 2 عصير ليمون
- 3 م ك زبادي
- ملح وفلفل اسود
- م ك اوريجانو
- م ص بابريكا مدخنه
- م ص بصل و توم بودر
- 1/4 م ص 7 بهارات
- كوب نشا
- 2 كوب دقيق
- ميا ساقعه +مكعبات تلج
- زيت غزير للقلي
طريقة التحضير
- ف بوله غويطه هانحط كل المكونات مع بعضها و نخلطها شويا و بعدين نضيف البهارات و نخلطهم كمان.. ننزل بالبانيه و نخليه ع الاقل نص ساعه..انا عن نفسي بعملو من قبلها بيوم و بخليه ف التلاجه
- التغطيه هنا سهله و سريعه مش هانحط لا بيض و لا لبن و لا بقسماط و الطعم هايكون خرااافي بجد.. هانخلط الدقيق و النشا مع شويا من البهارات اللي حطينها ع الخلطه بتعت البانيه و نقلبهم كويس و بس كدااا👌🏻
- هاناخد البانيه من الخلطه و هانحطو ف الدقيق وًالنشا و نزلها بسرعه ف الميا المتلجه و نرجعها تاني ع الدقيق و بعدين ع الزيت ع طووول.. حاجه وهمه فعلاااا
- جربوه كدا.. حقيقي موفر للوقت و المجهود و كان خطييير 👌🏻✌️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد