→ كل الوصفات

بانيه فرن "للدايت"

صحي جداً، ضرره قليل، طعمه لذيذ.

  • 1 صدر فراخ ونقسمه 4 قطع أو حسب الرغبة
  • خلطة كريسبي/بقسماط
  • بيض
  • 1 ثمرة بطاطس صغيرة
  • 2 ثمرة طماطم صغيرة
  • 1 ثمرة فلفل
  1. بنجيب الفراخ ونحطها في البيض وخلطة الكريسبي/البقسماط
  2. بنجيب صينية كبيرة وندهنها زيت
  3. بنرص الفراخ وندهن وجهها بالزيت "قليل منخليهاش غرقانة"
  4. بنقطع البطاطس جوانح "شوفوا طريقة البطاطس المحمرة في الفرن على صفحتي"
  5. بنحط البطاطس في الصينية
  6. بنحط الطماطم والفلفل سليم وممكن ندهنهم بباقي الخلطة بتاعة البطاطس
  7. الطماطم بنحطها في ورق ألمونيوم علشان لما تنزل مياه متزفرش الفراخ
  8. بنسخن الفرن ولما يسخن ندخلها، بعد ثلث ساعة نقلب الفراخ والبطاطس والفلفل على الوجه التاني وندخلها الفرن تاني وبعد نص ساعة نطلعها
عجبتك الوصفة؟
شوف كل وصفاتنا في مكان واحد
كل الوصفات →