→ كل الوصفات

بانيه 🐥

#الكبير_اوي #وصفات_بالبصل

  • صدور فراخ متقطعة بانيه
  • بصلة كبيرة
  • حبة طماطم
  • معلقة ص صلصلة
  • معلقة ص ملح
  • معلقة ص بابريكا
  • 1/2 معلقة ص بهارات فراخ
  • 1/4 معلقة فلفل اسود
  • رشة كمون
  • رشة جوزة الطيب
  • 3 بيضات
  • فنجان لبن
  • بقسماط
  • معلقتين ك دقيق
  • زيت قلي
  1. في بولة نبشر البصل والطماطم ونحط عليهم الصلصة، الملح، البابريكا، بهارات الفراخ، الفلفل الاسود، الكمون، جوزة الطيب ونقلبهم كويس ونتبل بيهم البانيه (ممكن نسيب البانيه فالتتبيلة ساعة او ساعتين فالتلاجة)
  2. في بولة صغيرة نحط ال3 بيضات وفنجان اللبن عليهم رشة ملح وفلفل اسود وبابريكا ونقلبهم
  3. في بولة تانية بحط البقسماط عليه معلقتين الدقيق ورشة ملح وبابريكا
  4. نبدأ نأخذ البانية ونحطه فخليط البيض واللبن وبعدها فالبقسماط ونفرده على صينية
  5. ولما اجي افرد شرايح البانية فوق بعضها برش شوية بقسماط عشان ميلزقوش فبعض
  6. بعدها نحط البانية في الفريزر لمدة نص ساعة واول منخرجه نقلية في زيت سخن
  7. في حاجه بعملها بعد مبخلص تغليف البانية بالبيض والبقسماط وهي اني بأخذ باقي البقسماط واحطه على باقي خليط البيض واللبن واعجنهم سوا لحد ميعملولي عجينة متماسكة (ممكن احتاج اني اضيف شوية بقسماط، دقيق، لبن للعجينه لحد متتماسك)
  8. بعدها بشكلها صوابع واحمرها عادي مع البانية وبيكون طعمها حلو جداً
عجبتك الوصفة؟
شوف كل وصفاتنا في مكان واحد
كل الوصفات →