→ كل الوصفات

بان كيك

طريقة عمل بان كيك سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كوباية ونص دقيق
  • كوباية لبن
  • 6 معالق سكر
  • بيضتين
  • بيكنج بودر
  • ڤانيليا
  • رشة ملح
  • معلقتين زيت
  1. نفصل صفار البيضتين عن البياض
  2. نحط ع الصفار كيس الڤاينليا، أو نقطتين ڤانيليا سايلة، ونحط السكر عليهم ونقلب كويس أوى لحد م الخليط لونه يقارب للأبيض
  3. البياض، نضيف عليه رشة ملح ونقلب
  4. نحط البياض ع الخليط بتاع البيض ونقلبهم كويس سوا
  5. نحط على كوباية اللبن معلقتين زيت كُبار، ونحطهم على الخليط اللى عندنا، ونقلب
  6. فى بولة هنحط كوباية ونص دقيق مع البيكنج بودر، دا لو عايزين البان كيك عادى، لو عايزينه بشوكلاتة ممكن نضيف كوباية كاكو
  7. نحط الخليط السايل على الدقيق، ونقلب لحد ما تبقى سايلة
  8. نسيب العجينة من نص ساعة لساعة، وبعدين نجهز المقلاية، وتكون من النوع اللى مبيلزقش، وندهنها زيت أول مرة بس
  9. ننزل بالخليط بمعلقة كبيرة، وتشكيليه زي ما انتى عايزة دواير كبير او صغيرة، وتسيبيها يادوب دقيق وبعدين تقلبيها ع الجنب التاني وتطلعيها
  10. ممكن تذوقيها بعسل، أو شوكلاتة سايلة، وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →