→ كل الوصفات
طريقة عمل بان كيك 🥞 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 كوب دقيق
- 1 معلقه كبيره بيكنج بودر
- 1/2 معلقه صغيره ملح
- 4 ملاعق سكر مطحون
- معلقتين زيت
- بيضتين
- 1/2 معلقة ڤانليا
- كوباية حليب
طريقة التحضير
- هنجيب بوله ونحط فيها كوب الدقيق ونص ملعقة الملح وملعقة البيكنج باودر ونقلبهم كويس
- وفي بوله تانيه هنحط بيضتين وعليهم نص ملعقة فانيليا و٤ ملاعق سكر بودر وهنقلبهم لحد ما السكر يذوب خالص وهنزود عليهم معلقتين زيت ونقلب وبعدين ننزل عليهم كباية حليب ونقلب بردو كويس
- وبعدين ننزل عليهم بالدقيق اللي خلطناه مع ملح وبيكنج باودر ونقلبهم بالراحه ونغطي الخليط ونسيبه ساعة يرتاح
- و بعدين هنحط الطاسه و ندهنها بالزيت و نحط بالمعلقه الخليط و هتلاقيه عمل معاكي فقاعات اول اما تخف اقلبيها على الناحيه التانيه ولما تلاقيها استوت طلعيها في طبق وهكذا لحد ما الكمية تخلص
- وتقدميها وتتزينيها بعسل وزبدة او شوكولاتة
- و بألف هناا 🥞🥞🥞🥞
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد