→ كل الوصفات
فطار سريع وبيتقدم كحلوي للضيوف
المقادير
- 1 كوب دقيق صغير
- 1 كوب صغير لبن(نفس معيار الدقيق)
- 1 بيضه
- 1 ملعقه سكر
- رشه ملح
- 1ملعقه بيكينغ باودر
- 1 ملعقه فانيليا
- 1 ملعقه كبيره زيت
- للتزيين
- اي فاكهه او مربى او صوص شوكولاته او عسل هنا هاستخدم صوص شوكولاته
طريقة التحضير
- هانحط البيضه واللبن مع الزيت والفانيليازوالسكر والملح في الخلاط ونضرب ضربتين
- هانضيف الدقيق ونضرب دقيقتين كدا لحد ما يتم التجانس
- هانسخن طاسه تيفال من غير زيت ونجيب مغرفه صغيره ونملاها من الخليط وننزل بالراحه في نص الطاسه
- عادي انها ماتطلعش دايره اووي المهم الطعم 😉😉
- النار تبقي هاديه خالص
- لما يطهر في وشها خروم كدا نقلبها على الناحيه التانيه
- ونسيبها تقريبا نص دقيقه ونشيلها وهكذا
- بالمقادير هنا عملو 8 قطع
- نحط اكبر واحده تحت ونبدا ندهنها باصوص الشيكولا او اي حاجه تحبه تستعملوها
- صوص الشيكولا طريقه عمله في وصفاتي
- ونحط القطعه التانيه وعليه معلقه صوص والتالته وفوقهما معلقه صوص وهكذا
- لحد ما تخلص ارتفاع الطبقات حسب رغبتك انت
- نرش صوص على الوش ولو عايزين نضيف شيكولا مبشوره او فورماسيل عادي
- ويتقدم وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد