→ كل الوصفات

بذنجان ابيض محشى

طريقة عمل بذنجان ابيض محشى سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو بذنجان ابيض
  • 1/4 كيلو لحمه مفرومه
  • 2 كوب رز مصرى
  • 2 حبه بصل مقطع
  • 5 حبات طماطم معصوره
  • 1/4 ربطه شمار
  • 1/4 ربطه كزبره خضراء
  • 1/2 كوب زيت
  • 1/2 معلقه كبيره ملح
  • 1/2 معلقه كبيره كمون
  • 1/2 معلقه صغيره فلفل اسود
  • كوب ونصف شوربه لحمه اوفراخ
  1. بسم الله نغسل البذنجان ونقوره ونحطه فى ميه وشويه ملح لحد مانحشيه
  2. نحضر حله على النار ونضيف الزيت يسخن وننزل بالبصله ونقلبها لحد مايبقا لونها اصفر ننزل باللحمه المفرومه ونفضل نقلب فيها لحد مااللحمه يتغير لونها
  3. وبعدين ننزل بالطماطم ونهدى النار عليها لمده ربع ساعه
  4. نغسل الشمار والكزبره ونقطعهم
  5. وننزل بالرز على خليط اللحمه والطماطم ونقلبهم ونخليهم على النار لمده خمس دقايق وننزلهم من على النار ونضيف الكزبره والشمار والملح والفلفل والكمون ونقلبهم كويس مع بعض
  6. نصفى البذنجان من الميه ونبدا نحشيه ونرص فى حله مناسبه لحجم البذنجان ونحط عليه الشوربه ونخليه يستوى على نار هاديه
  7. وهنا وعافيه عليكم يارب
عجبتك الوصفة؟
شوف كل وصفاتنا في مكان واحد
كل الوصفات →