→ كل الوصفات
#قرب_رمضان طبق فيه الخضر وبروتين بالنسبة ليا طبق متكامل كنت قاعدة نخمم واش ندير واش ندير مقلوبة بذنجان ولا ماسدوان درت هاد الطبق الي جا بزاف بنين
المقادير
- كاس ارز بسمتي مغسول مليح ومرنخ في الماء
- حبتين جزر كاس جلبانة مقطعين مفورين
- 5 حبات بذنجان
- صوص طماطم (طماطم حب ثوم فلفل حار ملح توابل وملعقة طماطم مصبرة)
- صوص بيشاميل جبن جرويار مبشور
- 200 غ لحم مفروم
طريقة التحضير
- نحط الخضار تفور وندير مقلة شوية زيت زيتون نحط بصلة صغيرة مقطعةمع حبات هيل نحط الروز ونمرقه ونخليه يطيب
- كيكون روز قريب ينشف نحطله الخضار الي طابت مع اللحم المفروم الي طيبته في مقلة مع شوية ثوم وملح فلفل اسود فلفل احمر حار وحلو نحرةو شوية المكونات بفرشيطة ونخلوها تدخل المكونات مع بعضاها حوالي خمس دقائق نطفو ونغطو عليه
- نطيب الصوص تاع الطماطم ونحط البذنجان نقسمه على زوج ونديرله زيت زيتون وماح ندخله للفرن يطيب كيكون قريب يطيب نديرله صوصو والبيشاميل والجرويار المبشور
- ندخلها للفرن تكمل التطيب ونخرجها نقدمها مع الروز
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد