→ كل الوصفات

برام مكرونة بالبشاميل

طريقة عمل برام مكرونة بالبشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو لحمة مفرونة
  • بصل مفروم
  • ملح وفلفل
  • بصل بودرة (اختياري)
  • كيمون
  • 2 بيضة
  • جبنة موتزريلا
  • معلقتين زبدة
  • 3 معالق دقيق
  • 3 كوبايات لبن
  • كيس مكرونة
  1. نعصج اللحمة يعني نجيب طاسة نحط فيها شوية زيت وعليهم بصل مفروم ونشوحهم و بعدين نحط اللحمة المفرومة وعليها ملح وفلفل ونوطي النار عليهم ونقلبهم ونسيبها حوالي 20 دقيقة لحد ما تستوي
  2. في الوقت ده نعمل البشاميل وهو عبارة عن اننا نسيح معلقتين الزبدة وبعدين نحط الدقيق ونقلبهم ونزود الملح والفلفل والبصلة البودرة والكيمون ونقلب مع بعض حوالي 4 دقايق علي نار هادية بس منخليش الخليط يتغير لونه اوي
  3. وبعدين نزود اللبن والبيضة ونقلب بالمضرب اليدوي بحيث الخليط يبقي متماسك ولما يبقي متماسك نبطل تقليب ونطفي النار عشان ميكلكعش
  4. بعد ماعصجنا اللحمة و عملنا صوص البشاميل نسلق المكرونة زي الطريقة العادية جدا وبعدين نغسلها ونصفيها
  5. وبعدين هنجيب نص صوص البشاميل و نحطه علي المكرونة في وعاء خارجي و نقلبهم مع بعض
  6. هنجيب البرام زي ما تحبي وندهنه نص معلقة زبدة سايحة أو سمنة ونحط نص المكرونة و بعدها اللحمة المفرومة وبعدين نص المكرونة وعليها من فوق باقي البشاميل وممكن نحط بيضة علي نص البشاميل الباقي ونقلبهم قبل ما نحطها علي الوش بتدي طعم حلو جدا
  7. هنحطها في الفرن علي درجة حرارة 180 لمدة نص ساعة و بعدين نطلعه نرش علي الوش جبنة الموتزريلا و نحطه تحت الشواية 5 دقايق
  8. المقادير دي لبرام أو صينية متوسطة انما لو لصينية كبيرة هنزود ضعف المكونات دي
  9. بالهنا والشفا ❤
عجبتك الوصفة؟
شوف كل وصفاتنا في مكان واحد
كل الوصفات →