→ كل الوصفات
#دايت حلويات الشتاء الجميله الصحيه والاكتر من يمي 😋😋
المقادير
- كوب ونص بطاطا مشوية ومهروسه
- ثلت كوب زبدة فول سوداني
- 2 معلقه كبيره دبس التمر او عسل ابيض
- 2 معلقه كبيره كاكاو خام
- 1/2 معلقه صغيره بيكنج بودر
- 1/4 معلقه صغيره قرفة بودر
- رشة ملح
- للتزيين
- حبيبات الشوكولاته الداكنة (اختياري)
- مكسرات عين جمل (جوز) او لوز (اختياري)
طريقة التحضير
- اول حاجه بنجيب البطاطا (٢ كبار) وننقعها في المياه نص ساعة وبعدين بننضفها بالفرشه كويس ونغسلها كويس بالماء وننشفها كويس
- ونلف كل واحدة في ورق زبدة ثم ورق فويل وندخلها فرن على اعلي درجه لحد ما يستوي
- ونتركه تبرد شويه ونشيل الجلد ونهرسهم كويس ثم نضع جميع المكونات ونخلطهم كويس مع بعض
- وبجيب صينية ونضع ورق زبدة ثم نفرد الخليط (انا مفردوتش على كل الصينينه عبشان كانت كبيره ففرده لحد اكتر من النص بشويه حسب السمك اللي عاوزه)
- وممكن نحط جوه الخليط (تمر او شوكلت شيبس) ودا اختياري حسب نظامك
- وعلى الوجه حطيت شوكلت شيبس دارك وممكن نضع مكسرات لوز او عين جمل
- تدخل فرن سابق التسخين على ١٨٠ درجه لمده ٢٠: ٢٥ دقيقه
- ونتركها تبرد تماما وبعدين نقطعها مربعات وناخد قطعة مع شاي اخضر كسناك او فطار ونحفظ الباقي في علبة في الثلاجه او الفريزر لحين الاستخدام وبجد طعمها روعه حبيتها كتير وبالف هنا 💪
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد