→ كل الوصفات

برجر اقتصادي 🍔 ، او كفتة اقتصادية

#رمضانك_اقتصادي_مع_حملة_اطبخها_اقتصادي وهو دة شعارنا في رمضان ان شاءالله،، وكل عام وانتم الي الله اقرب 🕋📿،،، بسبب الازمة الاقتصادية العالمية، أطلقت حملتي الجديدة حملة #اطبخها_اقتصادي، واللي هدفها ان شاءالله هو طبخ جميع الوصفات ولكن بطريقة اقتصادية واقتراح بدائل لأحد مكوناتها الغالية الثمن ان وجد، والله ولي التوفيق 🌷🌷 لمعرفة التفاصيل والمشاركة رجاء التواصل معي

  • 1/4 لحمة مفرومة
  • بصلة مبشورة ومعصورة
  • 1 من كل (بطاطس ، كوسة ، جزرة) مبشورين ومعصورين
  • 3 عود سبانخ او اي نوع خضرة (اختياري)
  • ½ كوب بقسماط
  • بيضة
  • م ص من كل (فلفل ، بهار مشكل ، بابريكا)
  • ملح
  1. اعجن كل المكونات السابقة مع بعض كويس جدا لحد لما اللحمة تطلع عرق ابيض زي كدة ،
  2. وابدأي شكلي البرجر بمكبس البرجر او بغطاء برطمان بالشكل دة ، وتقدري برده تشكليها اصابع كفتة ، وخزنيه براحتك في الفريزر ،
  3. وقدميه بالطريقة اللي اطفالك يحبوها ، بجد الوصفة دي انا معتمداها من زمان وتجنن ، دة غير انها مغذية جدا ، جربوها وان شاءالله تعجبكم وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →