→ كل الوصفات

برجر البطاطس

حاجه و هميه والكل هايحبها أن شالله وينفع كمان نحطها ف الفريزر ونزلها وقت الحاجه ع القلي ع طوول سهله جدا وبسيطه وكل حاجه موجوده عندك ف البيت يعني بكل سهوله هاتقدري تعمليها #ع_طريقتي #جود_بالموجود

  • 4 حبات بطاطس وسط مسلوقه
  • ¼ كوب ورق بقدونس
  • م ص فلفل حامي
  • ملح حسب الرغبة
  • كمون
  • بيضه
  • كوب بقسماط ناعم أو دقيق
  • 3 م ك زيت زيتون
  • لحمه معصجه أو مشكل جبن
  • بقسماط كرسبي
  1. بعد ما نسلق البطاطس نسيبها تبرد خالص و بعد كدا نهرسها حلو اوووي.. ف الهون هانط ورق البقدونس مع الفلفل الحامي وندقهم كويس.. بعد كدا ننزل بيهم ع البطاطس المهروسه ونحط البيضه والملح و الكمون وكوب البقسماط الناعم لو مافيش ما تشيلي هم حطي كوب دقيق
  2. هانعجن كل المكونات مع بعض طبعا هاتكون بتلزق حاجه بسيطه هانستخدم زيت الزيتون هانلم بيه العجينه ونخليها ف التلاجه نص ساعه عبال ما تكوني عصجتي اللحمه أو جهزتي الحشو وهنا طبعا كل حاجه ف ايديك هاتحطي اللي بدك اياه.. هانبدا نكور البطاطس ونحط فيها اللحمه ونزلها ف البقسماط المقرمش ونشكلها بقى حسب الرغبه.. هانحطهم ف الصنيه و ندخلهم التلاجه ترتاح وتمسك بعضها كدا
  3. بعد كدا هاننزل بيها ف الزيت سخن على النار ونحمرها وتقديمها مع الصوص أو المكرونه أو العيش زي ما تحبي و بالهنا والشفا ✌️
عجبتك الوصفة؟
شوف كل وصفاتنا في مكان واحد
كل الوصفات →