→ كل الوصفات

برجر الفراخ

#نكهة_عربية

  • 2 صدر فراخ
  • بصلة صغيرة مفرومه ناعم
  • ملعقة كبيرة بصل بودرة بس انا مش عندي فا حطيت بصله مفرومه ناعمه
  • 1 م ص ملح
  • 1/2 م ص فلفل اسود
  • 1 م ص كزبرة ناشفه
  • 1 م ك بودرة ثوم
  • 1 م ك بقسماط ناعم
  • 1 م ص بهارات او كاري، اي بهار تحبيه
  1. هنقطع الصدرين قطع ونحطها في الكبه
  2. هنضيف عليها كل التوابل، لو هتحطي بصله يبقى تفرمي البصله قبليها مش معاها
  3. هتفرمي في الكبه لغايه ما يتماسكو ويتجانسو مع بعض لو حسيتها ملزقه ممكن تحطي بقسماط حبه صغيرين تاني
  4. بعد كدا هنحطهم في طبق وتغطيهم وفي الثلاجه لمده ساعة
  5. ممكن تجهزي في الساعه دي تقطعي فيها البطاطس وتعملي صوص ، او حتى سلطه خضره
  6. ملحوظه صغنونه: تقدري تخزنيها في الفريز هتجيبي كيس بلاستيك وهتقسميه بالنص بعدين النص تقسميه بالنص تاني وتشكليها على غطا وتحطيها في الكيس وتغلفيها هيبقا الكيس الواحد هيقضي اربعه برجر وتحطيهم في علبه وفي الفريزر ولما تعوزيه هتطلعيه يهدي بعدين على النار
  7. هتبدتي تشكلي البرجر
  8. ونمسح الطاسه زيت بالفرشه
  9. ولما تسخن هنحط البرجر ووتسبيه على كل ناحيه لغايه ما يستوي وهكذا تخلصي وتحطي
  10. وعملت سلطه وطحينه وبطاطس صوابع وشبسي
  11. بالهناء والشفاء💜😊😍
عجبتك الوصفة؟
شوف كل وصفاتنا في مكان واحد
كل الوصفات →