→ كل الوصفات
برجر فراخ كريسبي في منتهى الجمال #Hadeer_Ashraf ❤️
المقادير
- 1/2 كيلو فراخ مخلية ومتقطعة شرايح
- 1 كوب زبادي
- 1/2 كوب لبن (حليب)
- عصرة نصف ليمونة
- 1 معلقة كبيرة خل
- 1 معلقة صغيرة من (توم بودر - بصل بودر - بابريكا - بهارات فراخ)
- 1/2 معلقة صغيرة فلفل أسود
- رشة ملح وشطة حسب الذوق
- 2 كوب دقيق
- 1/2 كوب نشا
- نفس توابل التتبيلة + معلقة صغيرة (كركم - زنجبيل بودر)
- رشة ملح
طريقة التحضير
- في بولة هنخلط كل مكونات التتبيلة مع بعض ونضيفها على الفراخ ونغطيها وندخلها التلاجة ليلة كاملة
- تاني يوم هنجهز خليط التغطية في طبق هنضيف الدقيق والنشا والتوابل
- ناخد قطع الفراخ ونغطيها كويس بخليط التغطية ونضغط عليها ونضفها كويس من الدقيق الزيادة
- نقلي قطع الفراخ في زيت غزير ساخن وأول ما تحمر نخرجها على مناديل مطبخ
- نجهز السندوتش.. هنجيب عيش برجر نحمصه ف طاسة ونضيف صوص برجر (عملته قبل كدا) وبعدين شرايح خس وبعدين قطعة فراخ وفوقها صوص جبنة
- وبعدين شرايح رومي مدخن وشرايح طماطم وخيار مخلل وبس كدا 😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد