→ كل الوصفات

برجر بيتي

#عيد_الاضحى

  • كيلو لحمة مفرومة فيها نسبه دهن 25%
  • ملح حسب الرغبة
  • علبة بهارات برجر من السوبر ماركت فيها كيسين
  • معلقة صغيرة فلفل اسود
  • بياض بيضة واحدة بس
  • معلقتين كبار من البقسماط الناعم
  • جبن شيدر او صوص شيدر
  • كاتشب ومايونيز
  • طماطم مقطعة
  • خس
  • شرايح بصل
  • تركي مدخن لحمة او بيف روستو
  • عيش كيزر
  • زبدة
  1. هانحط على اللحمة البهارات والملح والفلفل والبقسماط وبياض البيضة ونعجنه كويس
  2. بنجيب العلبة بتاعت الجبنة النستو الكارتون المدورة ونحط فيها كيس ونحط اللحمة ونساويها بيطلع مدور ومتساوي ونقفل عليه الكيس ونعمل اللحمة كلها كده ويدخل الفريزر لمدة ساعة
  3. يشوي على الجريل بقطعة زبدة او على الشواية او على طاسة تيفال والعيش بقسم نصين ويدهن بالزبدة ويوضع على الشواية او الجريل او الطاسة ياخذ لون من جوة وشرايح البصل تشوي وتأخذ لون على الجريل او الطاسة او الشواية
  4. ندهن الساندوتش بالكاتشب والمايونيز ونضع الهامبرجر والجبنة الشيدر او صوص الشيدر والطماطم والخص وشرايح البصل
عجبتك الوصفة؟
شوف كل وصفاتنا في مكان واحد
كل الوصفات →