→ كل الوصفات
طبعا اطفالنا بتدوخنا في اكل الخضار ومعظمهم بيحبوا اكل الشارع زي البرجر والكفتة وغيره ،، طيب الوصفة دي هخليكي تأكلي طفلك البرجر اللي بيحبه لكن كمان هتأكليه خضار ومش هيحس بطعمه خالص 😉 #لانش_بوكس
المقادير
- 1/2 كيلو مفروم فراخ وممكن (لحمة)
- 1 بصلة خضرة باوراقها
- 1 كوسة
- 1 جزرة
- 1 بطاطس حجم صغير
- م ص من كل ( بهار فراخ ، كاري ، فلفل ، بابريكا ،
- بودرة ثوم علي بصل ، ريحان او زعتر )
- 3 م ك (دقيق او بقسماط او فجيتار او دقيق صويا او شوفان مطحون)
- ملح حسب الاحتياج
طريقة التحضير
- اولا في الكبة اضع كل الخضار السابق وافرمه ناعم خالص واعصره كويس من مايته ،
- في بولة اضع مفروم الفراخ والخضار المعصور والتوابل والدقيق واظبط الملح واعجنه كله مع بعضه ،
- بعدين يا اما تدهني ايدك زيت بسيط او ماء ونبدأ نشكله برجر او كفتة زي ما تحبي ،
- اشويه علي الجريل او في طاسة تيفال بنقطة زيت خفيفة وقدميه حسب رغبة طفلك وبس كدة بالف هنا علي قلوبهم وربنا يحمي اطفالنا كلنا يارب 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد