→ كل الوصفات
مع تعديل بسيط لحساسيه الالبان
المقادير
- 4 صدور فراخ
- ½ كوب بقسماط
- بيضه
- ½ معلقه من الثوم بودرة والبصل البودرة
- ½ معلقه الكركم
- الشطه
- 4 معالق لبن رايب
- صوص الجبنة
- كوب لبن
- معلقه دقيق
- معلقه سمنه
- البصل المتكرمل
- بصله صغيرة
- ملعقة باربكيو
- ربع ملعقة عسل شطه
- معلقه من الملح والفلفل
- معلقه البابريكا والكاري
طريقة التحضير
- نحط التوابل على بعض ونفرم الفراخ ( ممكن تنقصوا او تزدوا التوابل حسب الرغبه
- نحط التوابل على الفراخ مع البيضه واللبن الرايب
- نحط البقسماط لحد ما تمسك الفراخ كويس (ممكن تزيد كميه البقسماط او تقل حسب حجم تماسك الفراخ) وبعدين نشكلها ونفرد كل واحده على كيس ونشيلها في الفريز وقبل ما نحتاجها نطلعها قبلها فتره عشان تفك شويه ونحمرها في زيت غريز
- بالنسبه للعيش حطيت زبده في طاسه ونحط عليها الكيزر عشان ياخذ لون الشوي وطعم الزبده
- نحمر البصل في طاسه لحد ما لونه يقرب يغمق ونحط شطه و عسل بسيط جداً ومعلقه باربكيو صوص ولما يغمق نطفي النار قبل ما طعمه يمرر
- صوص الجبنة حطيت سمنه وشوحت فبها ملعقة دقيق ولما اتحمر حطيت لبن وملح وفلفل وبابريكا وشطه ولما عمل صوص حطيت ميكس جبن وقلبتهم
- حطيت الاول في الكايزى المايونيز وبعدين خس وجرجير وبعدين البرجر والصوص بتاع الجبنة وبعدين البصل وفي الاخر طماطم متبله بكمون وملح وخل
- لحساسيه الالبان ممكن صوص الجبنة يتعمل بزيت ونحط واحده ثوم مفروم ولما يصفر نحط عليه الدقيق وبديل اللبن كنت بستخدم كريمر ديفا وبدل الجبنة يبقى جبنة فيو لايف مواتزريلا طعمها رااااااائع وفي البرجر مش لازم الللن الرايب وبدل البقسماط ياما بقسماط الضحى او عيش في البيت ويطحن
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد