→ كل الوصفات

برجر في الفرن 🍔

طريقة عمل برجر في الفرن 🍔 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 6 قطع برجر مقلي
  • ثمره طماطم
  • ثمره بصل
  • ثمره فلفل اخضر
  • اوراق خس
  • 12 قطعه جبنة شيدر للبرجر
  • كوبين ونص كوب دقيق
  • 3 معالق لبن بودرة
  • م ك سكر
  • م ص بيكنج بودرة
  • م ك خميره فوريه
  • كوب الا ربع مياه دافيه للعجن
  • 0.25 كوب زيت
  • رشه ملح
  • صفار بيضه
  • 0.5 م ص سكر
  • رشه نسكافيه
  • م ك لبن
  1. في كوب هنضع السكر وعليه الخميره والمياه ونقلبهم كويس ونسيبهم لحد ما تعمل فوم
  2. هننخل الدقيق وعليه البودرة ورشه الملح واللبن البودرة وننزل عليهم بخليط الخميره ونكمل بالمياه ونعجن كويس وننزل بالزيت نعجنها عشر دقائق ونحطها في مكان دافي تختمر ساعة على الاقل
  3. هنجهز الخضار اللي هنحطه مع البرجر وطبعا البرجر بنقليه او بنشويه عادي جداً
  4. وده شكل العجينه بعد ما خمرت هنقسمها اربع كور متساويه وكبيره شويه عشان تأخذ البرجر
  5. هنفردها بالنشابه ونحط جبنة وبعدين برجر وبعدين الخس والطماطم والبصل والفلفل وبعدين برجر وجبنه تاني طبعاً الترتيب ده اختياري وممكن تحطي برجر وجبنه بس
  6. هنقفلها وهندهنها بصفار بيضه وشويه ماء ورشه نسكافيه وملح وبعدين نحط السمسم
  7. هندخلها فرن سخن لمده ثلث ساعة ونشغل الشوايه تأخذ لون وبالف هنا
عجبتك الوصفة؟
شوف كل وصفاتنا في مكان واحد
كل الوصفات →