→ كل الوصفات

برغر الدجاج اللذيذ 😍😋

برغر الدجاج لذيذ وطعمة ولا اروع 😍😋 بتمنى تعجبكن ولازم تجربوها لانو عنجد الذ وأطيب وأروع من الجاهز 🤩 ومنعرف شو عاملين على ايدنا

  • كيلو ونص صدور دجاج
  • 2 معلقة كبيرة بقسماط, او ما يسمى بكعك مطحون
  • 1 معلقة كبيرة دبس فليفلة
  • 1 ملعقة كبيرة بهارات ماجي, اذا مو متوفر منقدر نستغني عنو
  • ملح, حسب رغبة
  • 1 معلقة صغيرة فلفل اسود
  • 0.5 ملعقة كزبرة, يابسة
  • 0.5 معلقة هيل, ناعم
  • 0.5 معلقة زنجبيل, ناعم, بودرة
  • 0.5 معلقة صغيرة ثوم, بودرة
  • كاسة جبنة موزاريلا, هي خطوة اخيتاري اذا بتحبو برغر فيها جبنة)
  • قليل زيت, لقلي برغر
  • للتقديم
  • 10 سندويش البرغر
  • 10 ورقات خس, قطع
  • 1 بندورة, شرائح
  • 1 بطاطا
  • 2 مخلل
  • قليل كاتشب
  1. اول خطوة منفروم صدور الدجاج بماكينة الكبة على قطعة ناعمة مرتين منعملها. اذا ما بيمشي الحال بماكينة, نستعمل مطحنة البهارات تبع الخلاط, بتصير ناعمة على الأخير
  2. بطبق يلي بدنا نعمل فيه منحط صدور دجاج مفرومة. وبوعاء صغير, منحط كل البهارات ومنخلطهن منيح ومنحطهن على الدجاج وعليه البقسماط ودبس فليفلة. ومنخلطهن منيح شي 5 دقائق
  3. بعدين منشتغل فيهن, منجيب سطل اللبن تبع زبادي ومنحط 2 من الغطا تبع اللبن فوق سطل. ومناخد كمية من دجاج اد حجم البيضة او اكبر شوي ومنحط على الغطا كيس نايلون ومنحط قطعة دجاج وعليه نايلون تاني. ونضغط ضغطة خفيفة كتير بطرف الأصابع. ومنحط فوق نايلون غطا تالت ومندور لحتى تصير متل قطع برغر. ومنخلي قطعة بالكيس ومنكمل كل كمية بنفس طريقة
  4. طريقة قطعة محشية جبنة, منأخد قطعة ومنعملها متل قرص الكبة. وبعدين منحشيها جبنة شي خفيف. ومنعملها متل ما عملنا بطريقة فوق
  5. بس نخلص كل الكمية, منحطهن بالفريزر شي ساعة ونص, مشان ما نتعذب لحنا وعم نعملها
  6. فينا نحتفظ فيها بالفريزر, كمان مو ضروري نعمل كل كمية
  7. بمقلاية منحط شوية زيت ومنشيل نايلون على قطعة. ومنحطها على النار, مع تقليب المستمر لحتى تتحمر منيح وتستوي على الجهتين. تبع الجبنة منعلمها بشي حتى نعرفها ومنكمل كل القلي لحتى نخلص
  8. بعد ما نخلص قلي, منجيب قطعة الخبز تبع برغر يلي فوق بس. ومنحطها بمقلاية لحتى تصير طرية. هي خطوة بتعمل كأنو الخبز من الفرن طازج
  9. منحط بسندويشة قطع خس وشرائح بندورة ومخلل والبطاطا. اخر شي عليه برغر, لانو اذا حطنا برغر فوق الخضار رح تنسلق لانو ساخنة, احسن شي بالأخير. وكاتشب شوي وهدول كلهن اختياري, شو منحب منحط كمان
  10. ولا تقولو انو البطاطا لونها اخضر, بس مشوية بالفرن مع الأعشاب وتوابل ومقرمشة. مشان هيك طالع لونها
  11. بنصحكن انا بتبع الجبنة كتير طيبة 😋😉
  12. وصحتن والف هنا على قلبكم يا رب. 💖 انشالله تعجبكن 🤗
عجبتك الوصفة؟
شوف كل وصفاتنا في مكان واحد
كل الوصفات →