→ كل الوصفات
جربوه خفيف وبنيين خاصة فالصيف الأولاد يحبو افكار خفيفة وخير ما تشريهم من برى ،🤗😍😋😘
المقادير
- 3 كيسان فرينة
- مغرف ونص خميرة خبز
- ملعقة كبيرة سكر
- ملعقة صغيرة خميرة حلويات
- ملح
- ¼ كاس زيت زيتون
- زوج مغارف حليب بودر
- ملعقة خل
- ماء دافئ
- بيضة
- نصف كيلو لحم مفروم
- سلاطة
- 2 حبات طماطم
- كمية بطاطا مقلية
- قصبر والا معدنوس
- بصلة صغيرة مقطعة رڨييييييق
- صوص الجيريان
طريقة التحضير
- نبدأ بالعجينة ندير الفرينة والخميرة وخميرة لقاطو والسكر والملح ونخلط نزيد الزيت والخل والحليب بودر ونلم بالماء دافئ ونخلاها ترتاح عشرة دقايق
- من جيهة أخرى ندير اللحم مرحي والبصلة والقصبر والا المعدنوس والتوابل وشابلير وعصرة ليمون اختياري وقليل من الزيت بياض البيض ونحتفظ بالصفار ندهن بيه لبورغر بعد ما رتاح عشرة دقائق نديرهم كورات ونبسطهم شوي باليد ونسخن لفور ونطفي عليه وندخلهم يخمرو نخرجهم ندهنهم بالصفار وندير جلجلان ونشعل لفور ونرجعهم يطيبو
- اللحم بعد ما رتاح شوية نديرو دوائر وندير قطرة زيت فالمقلة ونشويهم وبعد التشكيل والحشو على حساب وش عندك فالبيت ووش يحبو أفراد لعيلة أنا ندير بيضة مقلية في كل حبة برغر
- بالنسبة للصوص الجيريان ندير مايوناز حسب لحاجة أنا درت تاع برى وحبات فرماج ومغرف هريسة وسنتين صغار ثم وزيت زيتون وعصرة قارص وخلطهم مليح بالاشوار حتى ترحى الثوم ونسجمو المكونات كي ترحى درت معدنوس مقطع رقيق
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد