→ كل الوصفات

برغر

حاجة بيتي لحمة بلدي نظيفة ومضمونة ومغذية والولاد بيعشقوها #المريول-العالمي

  • 1/2 كيلو لحم مفروم مضاف اليه دهن قولي للجزار عايزة لحمة برجر
  • كوب فول صويا
  • حبة بصل متوسطة الحجم مفرومة ناعم
  • توابل ملح فلفل اسود بهارات اي نوع ويفضل بهارات لحمة أو برجر
  • ملعقتين صويا صوص لو متوفر
  • ملعقة كبيرة مسطردة (خردل )لو متوفر
  1. ينقع فول الصويا مش كتير في ماء ساخنة نقول ربع ساعة
  2. نحط اللحمة مع التوابل كلها والصويا صوص والمستردة ونقلب كويس
  3. نحمر البصلة في ملعقة سمنة نص تحميرة اللون يصفر شوية بس
  4. نضيف البصلة للحمة
  5. نصفي فول الصويا ونعجنه مع الخليط السابق كويس جداً ويا ريت لو موجود كبة أو محضرة طعام نحط كل المكونات ونخلط كويس جداً هيديني نتيجة رائعة
  6. لو هنضرب المكونات في الكبة بلاش ننقع فول الصويا كتير لكن لو هنخلط يدوي ينقع لمدة ساعة في ماء ساخنة ونعصره كويس عشان يتعجن ويدوب مع اللحمة
  7. نعمل عيش كيزر بيتي طعمه رائع وهكتب الطريقة مرة تانية باذن الله
  8. نشكل البرجر بالطريقة والوسيلة المتاحة أنا عندي مكبس للتشكيل متوفر في اي محل مستلزمات المطبخ
  9. يفضل يكون التشكيل كبير عشان اللحمة بتكش
  10. احط كيس بلاستيك مقطع قطع على قد البرجر من تحت ومن فوق القطعة عشان ميلزقش
  11. ارص القطع على صينية مستطيلة تدخل الفريزر واخد شوية شوية يجمد مش لازم كتير نص تجميد كده وبعدين ارصه بالراحة فوق بعضه في علبة محكمة الغلق
  12. لازم قطع الأكياس البلاستيكية تكون فاصل بين كل قطعة عشان ميلزقش في بعضه
  13. لو مش متوفر مستردة (خردل) أو صويا صوص بنشيلهم عادي من الوصفة وهتطلع حلوة برضه
  14. نقلل الملح يا ريت اللحمة بتكون حلوة والاضافات مع الساندويتش بتكون فيها ملح كمان
  15. لما يجمد بندهن طاسة غير لاصقة أو جريل بالزيت كويس ونحمر ونقلب كل شوية مش بياخد وقت خالص
  16. نجهز العيش وندهن الصوصات المفضلة مع شرائح طماطم وشريحة خس أو كابوتشي (نوع خس) وشريحة جبنة شيدر ونضيف قطعة البرجر ساخنة على الجبنة مباشرة وبالف هنا 💞💞
عجبتك الوصفة؟
شوف كل وصفاتنا في مكان واحد
كل الوصفات →