→ كل الوصفات
قبل هالمرة نزلت وصفتي يلي كنت بعتمدها كتتيييررر للبروستد ،، بس هالمرة حبيت أغير فيها لتطلع متل المطاعم وفعلا طعم وريحة وشكل ومنظر اشي بشهي وبجنن
المقادير
- دجاجة ونصف 《إستعملت 6 قطع أفخاذ أو ورك الدجاج》
- 3 أكواب طحين
- معلقتين نشا
- معلقتين كركم
- معلقتين فلفل أسود
- معلقتين بهارات عامة مشكلة
- معلقتين بابريكا حلوة
- معلقتين ثوم بودرة
- معلقتين زنجبيل بودرة
- معلقتين ملح
- ½ لتر ماء 《حسب نوع الطحين》
- 3 أكواب طحين
- 3 معالق نشا
- معلقتين بيكنج باودر
- معلقتين فلفل أسود
- معلقتين بابريكا حلوة
- معلقتين كركم
- معلقتين بهارات عامة مشكلة
- معلقتين زنجبيل بودرة
- معلقتين ثوم بودرة
- كوب كورن فليكس
- ½ كوب قرشلة
- معلقتين ملح
طريقة التحضير
- نغسل الدجاج بالماء والملح والخل وقشور الليمون وننظفه جيدا ،، ثم نضعه بالمصفاية كي نتخلص من كل السوائل
- نجهز خلطة النقع 《أنا نقعتهم من الفجر كان وقت كافي جدا》: نضع جميع مقادير النقع بإستثناء الماء ونخلط جيدا حتى تتجانس جميع البهارات مع الطحين. طبعا هالوصفة مختلفة كليا عن وصفتي السابقة والوصفتين ناجحات ومميزات بس هاي الوصفة شبيهة كتيييررر بشغل المطاعم😊🤭🥰
- ثم نضيف الماء بالتدريج مع التحريك والخلط حتى يتكون لدينا خليط سائل قوامه ثقيل 《طبعا كمية الماء بتختلف حسب نوع الطحين ممكن أقل وممكن أكثر ، أنا احتجت نصف لتر》ونخلط جيدا حتى يصبح الخليط ناعم وأملس وخالي من التكتلات
- نضيف قطع الدجاج إلى خليط النقع ونقلبه جيدا ثم نغطيه ونتركه بالثلاجة أقل شي 8 ساعات وممكن ليلة كاملة
- نجهز خلطة النقع ،، بالبداية بنكسر الكورن فليكس بالإيد قدر المستطاع
- ثم نضع جميع البهارات فوق الطحين ونضع الكورن فليكس فوقهم ونخلطهم جيدا حتى يتجانسو
- نحضر الدجاج ونغمس القطع بخلطة التغطية كل قطعة لوحدها عن طريق رش الخلطة فوق القطعة وعدم تحريك القطعة داخل الخلطة ،،، أو عن طريق الدحرجة بلطف ورفق
- ونكمل حتى تنتهي كل الكمية التي لدينا
- بطنجرة نضع الزيت النباتي ويفضل أن يكون غزيرا ونتركه على النار حتى يسخن ويحمى
- طبعا بكون الغاز على نار هادية ومغطى عليه ويقلى الدجاج على مراحل حسب الكمية وحجم الطنجرة ،، تقريبا ثلث ساعة أو ربع ساعة وبكون نضج البروستد 《إذا كان الزيت غزير وبغمر قطع البروستد ما بحتاج نقلبهم 》
- يقدم البروستد بجانب التبولة والمايونيز والأرز الهندي
- وصحتييين وعااافية
- طبعا هاي مش كل الكمية كان ضايل دفعة بالطنجرة🤭😊😅
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد