→ كل الوصفات
مقرمش من برا وطري من جوااا 😋
المقادير
- 2 كيلو دبوس دجاج 🍗
- 3 بيض
- 4 كاس طحين
- 1 كاس فتات الخبز او بقسماط من الكعك
- علبة صودا او مياه غازية
- ملعقة صغيرة فلفل اسود
- ملعقة صغيرة فلفل اسمر
- ملعقة صغيرة فلفل احمر 🌶 بابريكا
- ملعقة صغيرة فلفل احمر حار
- ملعقة صغيرة زنجبيل ناعم
- ملعقة صغيرة بهار حلو
- ملعقة صغيرة ثوم باودر
- ملعقة صغيرة بصل باودر
- ملعقة صغيرة زعتر ناشف
- ملح
- خل
- زيت نباتي 🌱 للقلي
طريقة التحضير
- منغسل الدجاج بالملح والخل ومنتركو تقريبا ساعتين من بعدها منغسلو ومنصفيه تماما. بجاط منحط البيض مع 3 ملعقة كبيرة طحين مع علبة صودا و فلفل اسود وملح وبجاط تاني منحط طحين لحالو وبجاط تالت منحط الطحين مع البهارات والخبز المطحون او بقسماط الكعك
- اول شي منغرز سكين 🔪 بطراف الدجاج غز عشان تستوي من الداخل ومنرش رشة ملح ورشة فلفل اسود. منحط الدجاج اول شي بالطحين السادة من بعدها بالبيض ومن بعدها بالطحين المخلوط
- منحمي الزيت مسبقا على حرارة 🔥 عالية منحط الدجاج بدون تحريك اول 3 دقيقة على نار 🔥 عالية من بعدها منخفض الحرارة لاخر شي ومنغطيها ومنتركها 15 دقيقة يعني للاستوا بدو 18 دقيقة
- (((من بعدها منحطها على مصفي ليصفي من بعدها على ورق زبدة لنخلص كل الكمية هي الخطوة مهمة عشان يظل بالقرشة.))) هي علبة الصودا وفي منها معدن من برا بتختلف الاشكال لكن الطعم واحد
- بيتقدم معها بطاطا 🍠 مقلية ومايونيز سلطة الى بتحبو. طعم ولا اروووع
- والف هنا وعافية 💚 لقلبكم تعبكم وشغلكم الحلو ومساكم منور دايما 🌹 🥀 💕
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد