→ كل الوصفات
طريقة عمل برياني فراخ أو كبسه والله ما عارفه جت معايا كده سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- الفراخ
- 4 فرخه مغسوله و مقطعه
- معلقة سمنه
- 3 ورق لوري
- مستكه
- 5 حبهان
- فلفل اسود حصي
- 2 عود قرفه
- بهارات هنديه
- ملعقتين كبار لبن زبادي
- ملح حسب الرغبه
- بصله وسط مقطعه مكعبات صغيره
- معلقه كبيره صويا صوص
- الارز
- معلقه كبيره سمنه
- كوب ونص أرز بسمتي
- جزره وسط مبشوره ناعم
- طماطمايه وسط مقطعه مكعبات صغيره ونشيل القلب
- 2 ورق لوري
- فلفل اسود حصي
- 3 حبهان
- 3 عود قرنفل
- فص ثوم مفروم ناعم
- معلقه صغيره بهارات هنديه
- معلقه صغيره كاري
- معلقه صغيره كركم
- معلقه كبيره كاتشب (اختياري)
- ملح حسب الرغبه
- بصله وسط مقطعه جوليان ومقليه للزينه
- بطاطسايه وسط مكعبات صغيره للزينه
- مايه حسب معيار الارز
طريقة التحضير
- الفراخ 》》》 نحط السمنه والبهارات والبصل لحد ما تطلع ريحة البهارات ننزل الفراخ ونقلب نستني تنزل مايتها ونقلبها وبعدين نحط الزبادي والصويا ونقلب ونغطي ونوطي لحد ما تستوي الفراخ ونتابعها من وقت لآخر عشان لو احتاجت مايه
- الأرز 》》》 هنحط السمنه وننزل عليها البهارات و الجزر ونشوحه أقل من دقيقه وننزل الطماطم والتوم وبعدين الأرز ونقلبهم مع بعض ونحط المايه وع نار عاليه لحد ما تغلي وبعدين نوطي 20 دقيقه ونطفي
- هنكون قلينا البصل والبطاطس ونبدأ بالتقديم
- نحط ف بوله البطاطس وعليها البصل وبعدين الأرز ونضغطهم ونقلبهم ف طبق التقديم وجنبهم الفراخ
- وبالهنا والصحه ان شاء الله تعجبكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد