→ كل الوصفات

برياني فراخ

وصفة من المطبخ الهندي #وصفات_هندية #الشيف_الذهبي #اكلات_بالرز

  • فراخ مقطعة 8 قطع او بانيه مكعبات
  • حزمة كزبرة مفرومة
  • علبة زبادي صغيرة
  • 2 قرنفل
  • قرن فلفل حار
  • 1/2 م ص كزبرة ناشفة
  • 2 كوب رز مسلوق او رز غير مطبوخ بس هتسويه زي طريقتك ف الرز عادي
  • 5 فصوص ثوم مهروس
  • بصله كبيرة مقطعة جوانح
  • 2 عود قرفة
  • 1/2 م ص كمون
  • م ك بهارات جراما ماسالا
  • حزمة نعناع مفروم
  • 3 حبهان
  • 2 بصلة جوانح مقلية
  • م ك زنجبيل بودرة
  • 1 طماطم مقطعة
  • م ص بهارات فراخ
  • ملح وفلفل أسود حسب الرغبه
  • م ص زعفران او كركم
  • م ك زيت وسمنة
  1. في حلة ع نار هتحطي زيت و سمنة وهتحمصي البهارات الصحيحة مش البودرة
  2. وبعدين نحط البصل الجوانح وقلبي لحد ماتدبل وبعدين هتحطي الزنجبيل وقلبي
  3. وبعدين هتحطي الفراخ لحد ماتتشوح وبعدين هتحطي باقي البهارات ونص جارام ماسالا وفلفل الحار والطماطم ونضيف النعناع ونص الكزبرة والزبادي وشويه من البصل المقلي
  4. وقلبيهم كويس ونسيبها ع نار هادية لحد ما الفراخ تنضج
  5. و بعدين نحط الرز لو مش مسلوق ونحط الباقي من جارام ماسالا ونقلبهم يختلطوا ونحط نعناع والكزبرة والبصل المقلي وزعفران او كركم ونقلبهم كويس
  6. ونحط ميه ونسيبها لحد ماتتشرب ونهدي النار اوووي ونغطي الحلة بورق الومنيوم ونحط غطا الحلة فوقها لمده 20 دقيقة كده و بعدين ابقي بصي عليها استوت اقفلي عليها لو لسه هتقلبي عليها وممكن تزودي شويه ميه كأنك بتسوي الرز العادي
  7. من لو في حالة الرز مسلوق بعد ماتشوحي الفراخ هتجيبي حلة تانيه هتحطي فيها نص من الرز المسلوق وبعدين نرش شويه جارام ماسالا ونحط حشوة الفراخ اللي كنا بنشوحها وشويه نعناع و شويه كزبرة وبصل المقلي بردو شويه منه ونغطيها بالنص التاني من الرز المسلوق ونرش باقي جارام ماسالا ومنقوع الزعفران. باقي النعناع والكزبرة والبصل ونغطي الحلة بورق الومنيوم بردو ونسيبها ع نار لمده 20 دقيقة وبألف هنا❤️
عجبتك الوصفة؟
شوف كل وصفاتنا في مكان واحد
كل الوصفات →