→ كل الوصفات
#مريولي_باسمي #زبادي #ثوم #ارز_بسمتي
المقادير
- 2 كوب ارز بسمتي
- 3 كوب ماء (تقريباً حسب احتياج الرز ممكن تقل او تزيد)
- ملح حسب الرغبه
- 2 حبهان (هيل) ونضغط عليها بحيث يتفتح منها حته
- 2 ورق لورا (غار)
- 4 فصوص قرنفل
- 1 عود قرفه
- 1 لومي
- بصله كبيره مفرومه ناعم
- 1/2 م ك توم مفروم
- م ص ونص زنجبيل بودر
- علبه زبادي
- 2 حبه طماطم مبشوره
- 1 م ص وربع كركم
- 1 م ص ونص كزبه ناشفه
- 1 م ص وربع كمون
- 1/2 م ص شطه (اختياري)
- 1/2 م ص سبع بهارات
- ملح "نحطه في الاخر عشان مياخرش تسويه اللحمه"، وفلفل اسود حسب الرغبه
- رشه كويسه من جوز الطيب
- م ك من كزبره متقطعه "اختياري"
- م ص بهارات لحمه وعود قرفه
- 1/4 م ص بهارات شوي و 2 حبهان و1قرنفل وفص مستكه
- 1/4 م ص خلطه التوابل
طريقة التحضير
- دي خطوه اختياريه بس بالنسبالي تشويح اللحمه قبل تتبيلها خطوه باعتبرها ضروريه الحراره العاليه بتساعد في قتل اي بكتيريا على السطح وبتدي كمان طعم اغنى في البرياني
- في الحله هنضيف م ك سمنه بلدي وزيها زيت ونحمر البصله لحد متصفر ونضيف عليها التوم والزنجبيل ونقلب ونحط اللحمه اللي شوحناها ومعاها الزبادي والطماطم والبهارات كلها ونقلب كويس ونغطي الحله ونسيبه يستوي على نار وسط قرب الهادي ونزود كوبايه مياه، وكل منحس انها محتاجه مياه نزود شويه شويه لحد ما اللحمه تستوي90% والصوص بتاعها يقل
- ننقع الرز البسمتي في مياه 20 دقيقه بعد اللحمه متكون استوت ننقلها بوله ونحط في نفس الحله م سمنه بلدي وشويه صغيره زيت ونحط الحبهان والقرنفل وورق اللورا والقرفه واللومي بعد ما تطلع الريحه نحط الرز والملح واللحمه بالصوص بتاعها والمياه تغطيهم ونسيبه يغلي على نار عاليه وبعد كدا نوطي النار وسيبيه لحد ما يستوي ويتقدم جنبه الدقوس ويزين بالزبيب والمكسرات المحمصه وبالف هنا🩵
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد