→ كل الوصفات

بريوش بالزبيب والسكر 😋❤️

البريوش من أنواع المعجنات اللذيذة أوي😋 ممكن تعملية وتقدمية لأطفالك وكل أفراد أسرتك على الفطار أو بين الوجبات هيعجبهم جداً جربيه أكيد هيعجبك 😍❤️ #المريول_العالمي #زبيب #زبادي

  • 3 كوب دقيق
  • 3 ملاعق كبيرة حليب بودرة
  • 3 ملاعق كبيرة سكر
  • 1 ملعقة كبيرة زبدة
  • 1/4 كوب زيت
  • 1/2 كوب زبيب
  • 1 كوب ماء
  • 1 بيضة
  • 1 ملعقة كبيرة زبادي
  • 1 كيس فانيليا
  • 1/4 ملعقة صغيرة ملح
  • 1 ملعقة كبيرة خل
  • 1 ملعقة كبيرة خميرة فورية
  • 2 ملعقة كبيرة سكر للتزيين
  1. أولاً جيبي حاجة مناسبة وحوطي فيها الدقيق والسكر والخميرة والحليب البودرة ورشة الملح والزبيب وقلبيهم مع بعض كويس 😍
  2. ضيفي بعد كدة البيضة والخل والفانيلا والزيت وملعقة الزبادي وضيفي الماء بالتدريج وأعجني العجينة كويس لحد لما تتكون معاكي عجينة ملساء وبعد كدة ضيفي ملعقة الزبدة وأعجني العجينة كويس لحد لما تتكون معاكي عجينة ملساء وبتلزق شوية أعجني حوالى 7 دقائق متبخليش على العجينة في العجن عشان تكون حلوة معاكي 😍
  3. غطي العجينة بعد كدة وسيبيها تختمر لمدة ساعة وبعد كدة قسمي العجينة الى كرات صغيرة متساوية في حجم البيضة وبعد كدة خودي كرة من العجين وشكليها الشكل المفضل عندك أنا شكلتها بشكل سهل وبسيط لو عايزة تعملي الشكل ده براحتك ولو عايزة اشكال تانية انتي المتحكمة في نوع التشكيل😍
  4. حوطي بعد كدة البريوش في صينية مدهونة بالزيت وكملي كل الكمية وبعد كدة غطي الصينية وسيبية يختمر لمدة 10 دقائق 😍
  5. ادهني وجة البريوش بخليط من صفار البيض والحليب والفانيليا والخل ورشي عليه سكر ودخلية الفرن على درجة حرارة 200 لمدة 15 دقيقة تقريباً ولما يستوي خرجية من الفرن وغطية وسيبية 10 دقائق عشان يكون طري وهش معاكي 😍
  6. قدمي البريوش بعد كدة لأطفالك وكل أفراد أسرتك مع كوباية شاي☕ حلوة او حليب أو شاي بالحليب هيعجبهم جداً 👌🏻بجد العجينة هشة وقطنية وطعم الزبيب لذيذ 😋مع العجينة وممكن تستغني عن الزبيب وتعملية سادة براحتك هو حلو في كل الأحوال☺️ جربيه أكيد هيعجبك 😍♥️🌹
عجبتك الوصفة؟
شوف كل وصفاتنا في مكان واحد
كل الوصفات →