→ كل الوصفات
#اهداء_لصديقاتي وصفة اكثر من رائعة و تتحصلو على بريوش قطني طري بذوق رائع جدا...ننصحكم تجربوه... تابعو معي 😘😘😘😘
المقادير
- كاس حليب دافي
- ½ كاس سكر
- ½ كاس زيت
- ملعقة كبيرة خميرة الخبز
- ملعقة صغيرة خميرة كميائية
- رشة ملح
- مبشور ليمون
- كمية شوكولاطة الطلي
- سكر ناعم للزينة
- 3 كؤوس فرينة
طريقة التحضير
- في اناء نضع الحليب و السكر و خميرة الخبز و مبشور الليمون نخلط جيدا و نتركها ترتاح مدة 10 دقائق
- بعدها نضيف الزيت رشة ملح بياض بيضة و نخلط جيدا و نبدأ بإضافة الفرينة بالتدريج مع خميرة الحلوة و نلم حتى نتحصل على عجينة تتلصق في اليد
- ندلكها حوالى 5 دقائق و ندهن اناء بالزيت و نحطها فيه نخليها تخمر. بعدما تخمر نهبطلها التخمار ونقسمها الى 8 اجزاء او اكثر حسب الرعبة
- نشكل هادوك الاجزاء الى كرات و نخليهم يرتاحو مليح. بعدها نجيب شوكولاطة الطلي و نحل كل كرة باليد فقط قليلا و نحط وسطها قليل من شوكولاطة الطلي و نغلق عليها غير بالعقل و نخبزها قليلا
- بعدما نكمل كل الكرات لي عندي بنفس الطريقة نجيب سنيوة دهنها بالزيت و نحط فيها الخبيزات. بعدها نجيب صفار حبة بيض نضيفلو فانيليا و قطرات من القهوة و ندهن السطح
- بعدها ندخلهم يطيبو بعدما نكونو شعلنا الفرن مسبقا يتحمرو من تحت بعدها من فوق بعدها نخرجهم. بعد لحظات نرش عليهم سكر ناعم و نخليهم يبردو و نقدمهم مع قهوة او عصير او لي تحبو
- ان شاء الله يعجبوكم شهية طيبة 😘😘😘😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد